1 જાન્યુઆરી 2021થી દેશભરમાં ટોલ પ્લાઝા પર ફાસ્ટેગ અનિવાર્ય છે. આ સમયે NHAIએ પોતાના મોબાઈલ એપ My FASTag Appમાં એક નવું ફીચર ચેક બેલેન્સ જોડ્યું છે. તેનાથી ફાસ્ટેગ બેલેન્સ સંબંધિત જાણકારી મેળવી શકાશે.
નવા વર્ષથી ફાસ્ટેગ અનિવાર્ય
NHAIએ આપી ખાસ સુવિધા
My FASTag Appમાં ચેક બેલેન્સ જોડ્યું
NHAIએ પોતાના મોબાઈલ એપ My FASTag Appમાં એક નવું ફીચર ચેક બેલેન્સ જોડ્યું છે. આ નવા ફીચરની મદદથી એપનો ઉપયોગ કરનારા વાહનનો નંબર નાંખતા જ તેમના વાહનનું બેલેન્સ જાણી શકાશે, કોઈ કારણે ટોલ પ્લાઝા સર્વર કપર ટેગ અપડેટ નહીં થાય તો ફાસ્ટેગ યૂઝ કરનારા લોકો પોતાના વાહનના ફાસ્ટેગના સ્ટેટસને સરળતાથી જાણી શકશે.
આ રીતે કામ કરશે નવું ફીચર
આ નવું ફીચર ફાસ્ટેગ ઉપયોગ કર્તા અને ટોલ ઓપરેટર બંને માટે મદદરૂપ થશે. બંબને પક્ષ રિયલ ટાઈમ બેસિસ પર ફાસ્ટેહનું બેલેન્સ ચેક કરી શકશે. એટલું જ નહીં ફાસ્ટેગ બેલેન્સ સંબંધિત વિવાદોની સમસ્યાઓના નિરાકરણ પણ આવશે. આ સિવાય એનએચએઆઈએ બ્લેક લિસ્ટેડ ટેગને રિફ્રેશ ટાઈમને 10 મિનિટથી 3 મિનિટ કરવાનું નક્કી કર્યું છે. જેથી ઈટીસી સિસ્ટમમાં સ્ટેટસને અપડેટ કરી શકાય અને ટોલમાં સરળતાથી પાસિંગ કરીને એપમાં સ્ટેટસ જોઈ શકાય.
આરોગ્ય સેતુ એપની જેમ My FASTag એપમાં હશે આ ફીચર
કોરોનાથી બચવા માટે આરોગ્ય સેતુ એપના You are Safeની જેમ એક ફીટર આ એપમાં પણ ડેવલપ કરાયું છે. કલર કોડના રૂપમાં ફાસ્ટેગ બેલેન્સની જાણકારી મળશે. ગ્રીન કલરના કોડ જણાવે છે કે ફાસ્ટેગ એક્ટિવ છે અને તેમાં પૂરતી રકમ છે. ઓરેન્જ કલર એટલે કે ફાસ્ટેગમાં બેલેન્સ ઓછું છે અને રેડ કલર એટલે કે ફાસ્ટેગ બ્લેક લિસ્ટેડ છે.
40 હજાર PoS ની મદદથી રિચાર્જ કરી શકાશે FASTag
જો કોઈ વાહન ઓરેન્જ કલર મોડમાં છે તો ઉપયોગ કર્તા પોઈન્ટ ઓફ સેલથી તેને તરત રિચાર્જ કરી શકે છે. આ સાથે 36 બેંકોની સાથે ટોલ પ્લાઝા પર 40 હજારથી વધારે પીઓએસની વ્યવસ્થા કરાઈ છે. આ ફીચરથી વાહનનો સમય, પેટ્રોલ અને રૂપિયાની બચત થશે. આ માટે તમે BBPS, UPI, ઓનલાઈન પેમેન્ટ, માય ફાસ્ટેગ મોબાઈલ એપ, પેટીએમ, ગૂગલ પેની મદદ લઈ શકો છો. આ સાથે પીઓએસની સુવિધા પણ ટોલ પ્લાઝા પર 24 કલાક મળશે.
80 કરોડ રૂપિયા સુધી પહોંચ્યું ફાસ્ટેગનું લેન દેન
NHAIના જણાવ્યા અનુસાર 24 ડિસેમ્બરે ટોલ પ્લાઝા પર ફાસ્ટેગથી રેકોર્ડ લેન દેન 50 લાખનું થયું છે. જેને ટોલ ટેક્સની રકમમાં 80 કરોડ જમા થયા છે. આ એક દિવસની સૌથી મોટી રકમ છે. જ્યારે અન્ય તરફ અત્યાર સુધીમાં 2.20 કરોડ ફાસ્ટેગનું વેચાણ થઈ ચૂક્યું છે.