જો તમારી પાસે કાર છે, તો સંભવ છે કે તમે ફાસ્ટેગ લેવાનું વિચારી રહ્યાં હશો અથવા તો તમે ફાસ્ટેગ ખરીદી લીધું હશે. પણ જો તમે હજી સુધી ફાસ્ટેગ નથી લીધું તો તમારા માટે સારાં સમાચાર છે.
વાહનચાલકો માટે સારાં સમાચાર
ફાસ્ટેગ માટે નહીં આપવા પડે પૈસા
15 દિવસ સુધી લઈ શકો છો લાભ
નેશનલ હાઇવે ઓથોરિટી ઓફ ઇન્ડિયા એટલે કે NHAIએ મર્યાદિત સમય માટે ફાસ્ટેગ માટે ચાર્જ કરવામાં આવતા 100 રૂપિયા લિમિટેડ પીરિયડ માટે ન લેવાનો નિર્ણય લીધો છે. NHAIએ કહ્યું છે કે, 15 ફેબ્રુઆરીથી 29 ફેબ્રુઆરી, 2020 સુધીમાં NHAI ફેસ્ટેગ માટે 100 રૂપિયા ચાર્જ લેશે નહીં.
ફાસ્ટેગ લેવા માટે આ કામ કરવું છે જરૂરી
આ સુવિધાનો લાભ લેવા વાહનચાલક કોઈપણ ઓથોરાઈઝ્ડ ફિઝિકલ પોઈન્ટ ઓફ સેલ લોકેશનની વિઝિટ કરી શકે છે. ફાસ્ટેગ લેવા માટે, તમારે તમારા વાહનનું રજિસ્ટ્રેશન સર્ટિફિકેટ (RC) બતાવવું પડશે. તમે તેને નેશનલ હાઇવે પરના ફી પ્લાઝાથી પણ મફત મેળવી શકો છો.
અહીંથી લઈ શકો છો ફ્રી ફાસ્ટેગ
તમે ઇચ્છો તો તમે તેને આરટીઓ, કોમન સર્વિસ સેન્ટર, ટ્રાન્સપોર્ટ હબ અથવા પેટ્રોલ પમ્પ પર પણ મફત લઈ શકો છો. સ્માર્ટફોન યુઝર્સ MyFASTag એપ્લિકેશન ડાઉનલોડ કરીને પોઇન્ટ ઓફ સેલ લોકશન સર્ચ કરી શકે છે. આ માટે, તમે Ihmcl ની વેબસાઇટની મુલાકાત લઈ શકો છો અને ફિલ હેલ્પલાઇન 1033 પર કોલ કરી શકો છો. ફાસ્ટેગ વોલેટના મિનિમમ બેલેન્સમાં કોઈ ફેરફાર કરવામાં આવ્યો નથી.