16 ફેબ્રુઆરીથી FASTag દેશભરમાં ફરજિયાત કરવામાં આવ્યુ છે. જેનો અર્થ એ કે હવે FASTag વગર કોઈ પણ ટોલ પ્લાઝાથી ગાડી પસાર થઈ શકશે નહીં.
ટોલ પ્લાઝા પર વેડફાતા સમય અને ઈંધણને બચાવવાનો પ્રયાસ
એક દિવસમાં FASTagથી 100 કરોડની આવક
1 માર્ચ સુધી ફ્રીમાં FASTag ઓફર કરાઈ રહ્યું છે
એક દિવસનું કલેક્શ 100 કરોડ
જે પણ ગાડી FASTag વગર ટોલ પ્લાઝાથી પસાર થશે તેની પાસેથી બેગણો ટોલ વસૂલવામાં આવશે. તે નિયમ અંતર્ગત છેલ્લા 10 દિવસથી વ્યવસ્થા ચાલી રહી છે અને હવે આંકડો બતાવી રહ્યો છે કે FASTagથી એક દિવસનું કલેક્શન 100 કરોડની પણ પાર થઈ ગયો છે.
NHAIએ આપી માહિતી
NHAIએ તેનાં ટ્વીટર હેન્ડલ પરથી જાણકારી આપી છે કે 25 ફેબ્રુઆરીએ કુલ 64.5 લાખથી વધુ વાહન ટોલ પ્લાઝાથી પસાર થયા અને તેનાથી 103.94 કરોડનું કલેક્શન થયુ. આંકડાની રીતે આ ફિગર અત્યારસુધીની સૌથી વધારે ઉઘરાણી છે.
મોદી સરકાર ઈચ્છે છે કે ટોલ પ્લાઝા પર રોકાવાથી જે ઈંધણ અને સમય બરબાદ થાય છે તેને સંપૂર્ણરીતે બચાવવામાં આવે. 16 ફેબ્રુઆરી પહેલા અત્યારસુધી આશરે 80 ટકા વાહનો FASTag દ્વારા પેમેન્ટ કરી રહ્યા હતા. બાકી 20 ટકા લોકો પણ તેવી રીતે પેમેન્ટ કરે તે માટે મોદી સરકારે FASTag ફરજિયાત કરી દીધુ છે.
પહેલી માર્ચ સુધી ફ્રી FASTagની ઓફર આપી રહ્યું છે
દરેક વાહન પર FASTag લગાવેલુ હોય તે માટે એનએચએઆઈ પહેલી માર્ચ સુધી ફ્રી FASTagની ઓફર આપી રહ્યું છે. જેના માટે ગાડીની આરસી અને ગાડીનાં માલિકનો એક વેલિડ ફોટો વાળો સરકારી દસ્તાવેજ જરુરી રહેશે. હાલમાં નેશનલ હાઈવે ઓથોરિટી ઓફ ઈન્ડિયાએ ફાસ્ટેગ ખાતામાં મિનિમમ અમાઉન્ટને હટાવવાનો નિર્ણય કર્યો છે. એનએચએઆઈએ કહ્યુ કે આ નિર્ણયનો ઉદ્દેશ ઝડપથી ફાસ્ટેગની પહોંચ વધારવા માટે છે.