પતિ દ્વારા પત્નીને માર મારવો યોગ્ય છે? જાણો સર્વેમાં આ પ્રશ્નનો ભારતની મહિલાઓએ શું આપ્યો જવાબ
ઘરેલું હિંસા માટે મહિલાઓ પોતે જ રાજી
પતિના મારને ગણાવ્યો યોગ્ય
સર્વેમાં 80 ટકા મહિલાઓ થઈ સહેમત
એક સર્વે અનુસાર, ઘરેલુ હિંસાને યોગ્ય માનવામાં સૌથી સામાન્ય કારણ માનવામાં આવે છે. સાસરીનું અપમાન ઘર અને બાળકોની ઉપેક્ષા કરવી.
મહિલાઓને સશ્ક્ત કરવા માટે એક તરફ તેમના અધિકારોની વાત થઈ રહી છે. ઘરેલુ હિંસા પર કાયદાઓ અને કડક નિયમો બની રહ્યા છે અને બીજી બાજુ નેશનલ ફેમિલી હેલ્થ સર્વેમાં ચોંકાવનારો ખુલાસો થયો છે. સર્વેમાં તેલંગાણા જેવા રાજ્યમાં 83.8 ટકા મહિલાઓએ પોતે માન્યું છે કે પતિ દ્વારા તેમને માર મારવામાં આવે છે તે યોગ્ય છે. આ ઉપરાંત કર્ણાટકના 81.9 ટકા પુરૂષોનો પણ આજ મંતવ્ય છે.
નેશનલ ફેમિલી હેલ્થ સર્વેની તરફથી જમ્મુ-કાશ્મીર સહિત 18 રાજ્યોની મહિલાઓ અને પુરૂષોની ઘરેલુ હિંસા પર મંતવ્યો લેવામાં આવ્યા. આ રાજ્યોમાં આસામ, આંદ્ર પ્રદેશ, બિહાર, ગોવા, ગુજરાત, હિમાચલ પ્રદેશ, જમ્મુ-કાશ્મીર, કર્ણાટક, કેરળ, મહારાષ્ટ્ર, મણિપુર, મેઘાલય, મિઝોરમ, નાગાલેન્ડ, સિક્કિમ, તેલંગાણા, ત્રિપુરા અને પશ્ચિમ બંગાળનો સમાવેશ થાય છે.
રાજ્ય
સ્ત્રી
પુરુષ
તેલંગાણા
83.8
70.4
આંધ્ર પ્રદેશ
83.6
66.5
કર્ણાટક
76.9
81.9
હિમાચલ
14.8
14.2
ત્રિપુરા
29.5
21.3
નાગાલેન્ડ
23.9
34.4
શું હતા સર્વેના સવાલ?
સર્વેમાં મહિલાઓ અને પુરૂષોને શામેલ કરવામાં આવ્યા હતા. દરકેને એક સામાન્ય પ્રશ્ન કરવામાં આવ્યો હતો કે, " તમારા મતમાં શું પતિનું પોતાની પત્નીને માર મારવો યોગ્ય છે? " આ સર્વેમાં ઘણા પ્રકારની પરિસ્થિતિઓને પણ શામેલ કરવામાં આવી હતી. જેમાં લખવામાં આવ્યું હતું કે તમારા મત પ્રમાણે પતિ દ્વારા પત્નીને માર મારવો ક્યારે યોગ્ય છે.
જો તે કહ્યા વગર ઘરની બહાર જાય છે તો
ઘર કે બાળકોની ઉપેક્ષા કરે ત્યારે
પતિ સાથે દલીલ કરે ત્યારે
પતિ સાથે શારીરિક સંબંધ બાંધવાનો ઈનકાર કરે ત્યારે
પત્ની યોગ્ય રીતે ભોજન ન બનાવે ત્યારે
જો તે કોઈ અન્ય વ્યક્તિ સાથે સંબંધ બાંધે ત્યારે
જો તે સાસરી વાળા પ્રત્યે અનાદર ભાવ રાખે ત્યારે
આ પરિણામો જાણી ચોંકી ઉઠશો તમે
આ સર્વે 2019થી 2021ની વચ્ચે કરવામાં આવ્યો હતો. જેના પરિણામ બુધવારે જાહેર કરવામાં આવ્યા હતા. તેમાં સૌથી વધારે તેલંગાણાની મહિલાઓએ માન્યું કે પતિ દ્વારા તેમને માર મારવો યોગ્ય છે. ત્યાં જ હિમાચલ પ્રદેશમાં આ સર્વે પર મહિલાઓની સહમતિ સૌથી ઓછી છે. અહીં ફક્ત 14.8 ટકા મહિલાઓએ ઘરેલુ હિંસાને વ્યાજબી ગણાવી હતી. તે ઉપરાંત સૌથી વધારે કર્ણાટકના પુરૂષોએ આ પ્રશ્નને યોગ્ય ગણાવ્યો. તો હિમાચલમાં ફક્ત 14.2 ટકા પુરુષોએ ઘરેલુ હિંસાને યોગ્ય ગણાવી.