Ford તેની સબ-કોમ્પેક્ટ એસયુવી EcoSportનું નવું મોડલ લાવવાની તૈયારી કરી રહ્યું છે. ન્યૂ જનરેશન Ford EcoSportની તસવીરો લીક થઈ છે. જેથી પહેલીવાર આ કારનો લુક સામે આવ્યો છે. નવી ઈકોસ્પોર્ટનો હાલના મોડલથી બિલ્કુલ અલગ છે. આ સાથે જ તેમાં વધુ મોડર્ન ફીચર્સ અને અપડેટેડ એન્જિન મળવાની આશા છે.
નવી EcoSportની તસવીરો થઈ લીક
ઈકોસ્પોર્ટના લુકમાં મોટો ફેરફાર થયા છે
નવી ઈકોસ્પોર્ટનો હાલના મોડલથી બિલ્કુલ અલગ છે
ન્યૂ જનરેશન ઈકોસ્પોર્ટના લુકમાં મોટો ફેરફાર કરવામાં આવ્યો છે. હાલ ઈકોસ્પોર્ટની સ્ટાઈલિંગ ક્રોસઓવર જેવી છે. જ્યારે નવો મોડલ એસયુવી જેવો દેખાઈ રહ્યો છે. તેના ફ્રંટમાં નવું ગ્રિલ, નવા એલઈડી હેડલેમ્પ અને સ્લીક એલઈડી ડીઆરએલ આપવામાં આવ્યું છે. ગ્રિલની ઉપર એક પાતળી ક્રોમ પટ્ટી છે. જે એલઈડી ડીઆરએલથી કનેક્ટેડ છે. નવી સ્ટાઈલનું બોનેટ અને અંડરબોડી ક્લેડિંગ સાથે આપવામાં આવેલું મસ્ક્યુલર ફ્રન્ટ બમ્પર નવી ઈકોસ્પોર્ટને બોલ્ડ લુક આપે છે. એસયુવીમાં પ્રોજેક્ટર ફોગલેમ્પ્સ આપવામાં આવ્યા છે. જેની ચારેય બાજુ ક્રોમ એલિમેન્ટ્સ છે.
સાઈડ પ્રોફાઈલ
સાઈડ લુકની વાત કરીએ તો, નવી ઈકોસ્પોર્ટમાં વીલ આર્ચ અને સાઈડ બોડી પર ભારે ક્લેડિંગ છે. જેમાં નવા એલોય વ્હીલ્સ, બ્લેક બી-પિલર સાથે સ્લીક ગ્લાસહાઉસ અને ઈન્ટીગ્રેટેડ ટર્ન સિગ્નલ લાઈટ્સ સાથે નવું શાર્પ આઉટ સાઈડ રિયર વ્યૂ મિરર આપવામાં આવ્યું છે.
રિયર લુક
નવી ફોર્ડ ઈકોસ્પોર્ટનો રિયર લુક તદ્દન બદલાઈ ગયો છે. એસયુવીની પાછળની તરફ નવા એલઈડી લેમ્પ છે. જે ‘ઈકોસ્પોર્ટ’ લખેલા બ્લેક ઈન્સર્ટથી જોડાયેલ છે. બ્લેક ઈન્સર્ટની ઉપર ફોર્ડનો લોગો છે. આ સિવાય લીક થઈલી તસવીરોમાં એસયુવી પર રુફ માઉન્ટેડ, શાર્ક ફિન એન્ટીના, સિલ્વર ફોક્સ રુફ રેલ્સ અને ફોક્સ સ્કિડ પ્લેટની સાથે પ્લાસ્ટિક ક્લેડિંગ રિયર બંપર પણ દેખાઈ રહ્યું છે.
ઈન્ટિરિયર અને એન્જિન
ન્યૂ જનરેશન ઈકોસ્પોર્ટના ઈન્ટિરિયરની તસવીર હજુ સામે નથી આવી છે. જોકે, આશા છે કે નવી એસયુવીમાં વધારે કેબિન સ્પેસ અને નવા ફીચર્સ મળશે. ભારતમાં આવનારી નવી ઈકોસ્પોર્ટમાં 1.5 લીટર પેટ્રોલ એન્જિન મળી શકે છે. આ એન્જિનની સાથે મેન્યુઅલ અને ઓટોમેટિર ગિયરબોક્સ ઓપ્શન હશે. એસયુવીમાં ડીઝર એન્જિન હશે કે નહીં તેના વિશે હાલ કોઈ જાણકારી મળી નથી.