ચેતવણી / કોરોના વાયરસને લઈને બિલ ગેટ્સની ચેતવણીઃ આવનારા 2થી 4 મહિના કપરા, થશે 2 લાખથી વધુ મોત

• બિલ ગેટ્સની ચેતવણી
• કોરોનાને લઈને આવનારા 2થી 4 મહિના કપરા
• કોરોનાથી થશે 2 લાખથી વધુ મોત
   

માઈક્રોસોફ્ટ  (Microsoft)ના સહ સંસ્થાપક બિલ ગેટ્સે (Bill Gates) રવિવારે કોરોના વાયરસને લઈને ચેતવણી આપી હતી કે આવનારા 2થી 4 મહિના વધારે ખરાબ હોઈ શકે છે. ગેટ્સની સંસ્થાએ કોરોના વેક્સીન વિકસિત કરવા અને તેમની જરૂરિયાત પૂરી કરવાના પ્રયાસમાં પણ ભાગ લીધો છે. 

મહામારીના  આવનારા 2થી 4 મહિના વધારે ખરાબ

બિલ એન્ડ મેલિંડા ગેટ્સ ફાઉન્ડેશનના સહ અધ્યક્ષ ગેટ્સે કહ્યું કે મહામારીના આવનારા 2થી 4 મહિના વધારે ખરાબ હોઈ શકે છે. ઈન્સ્ટીટ્યૂટ ફોર હેલ્થ મેટ્રિક્સ એન્ડ એેવેલ્યૂએશનનું અનુમાન છે કે આવનારા આ સમયમાં 2 લાખથી પણ વધારે લોકોના મોત થશે. માસ્ક પહેરવું અને સોશ્યલ ડિસ્ટન્સિંગ જેવા નિયમોનું પાલન થશે તો સંભાવિત મોતના આંકને ઓછો કરી શકાશે. બિલ ગેટ્સનું કહેવું છે કે અમેરિકામાં સંક્રમણ, મોત અને હોસ્પિટલમાં એડમિટ થવાના રેકોર્ડ સામે આવી રહ્યા છે. મને લાગે છે કે અમેરિકા આ સ્થિતિ સામે લડવામાં સારું કામ કરશે. ગેટ્સે 2015માં પણ એક મહામારીને લઈને ચેતવણી આપી હતી.  

મેં 2015માં પણ ભવિષ્યવાણી કરી હતીઃ બિલ ગેટ્સ

કુલ મળીને જ્યારે મેં 2015માં ભવિષ્યવાણી કરી હતી ત્યારે મેં મૃતકોની સંખ્યા વધારે રહેવાની વાત કરી હતી. આ વાયરસ જેટલો ઘાતક છે તેટલો જીવલેણ પણ છે, હજુ આપણે તેનું ખરાબ પાસું જોયું નથી, જે વાતે મને આશ્ચર્યમાં રાખ્યો છે તે એ કે અમેરિકા અને દુનિયામાં આર્થિક પ્રભાવ રહ્યો તે મારા પાંચ વર્ષ પહેલાના અનુમાનથી પણ વધારે રહ્યો છે.