હવામાન વિભાગ દ્વારા આગાહી કરવામાં આવી છે કે આગામી 5 દિવસ સુધી રાજ્યમાં ભારે વરસાદ પડવાનો છે. જેથી ખેડૂતોમાં હાલ ખુશીનો માહોલ જોવા મળી રહ્યો છે.
હવામાન વિભાગે વરસાદને કરી આગાહી
આગામી 5 દિવસ રાજ્યમાં ભારે વરસાદ
સૌરાષ્ટ્રમાં સૌથી વધારે વરસાદ પડશે
હવામાન વિભાગ દ્વારા આગાહી કરવામાં આવી છે, કે આગામી ત્રણ દિવસોમાં હવે રાજ્યમાં વરસાદનું જોર વધશે. સૌરાષ્ટ્રમાં આજે ભારે વરસાદની આગાહી હતી જેથી ત્યા વરસાદ પડ્યો. ગીર સોમનાથ, પોરબંદર અને દ્વારકામાં પણ આજે ભારે વરસાદ જોવા મળ્યો હતો.
અમદાવાદ ગાંધીનગરમાં વરસાદી ઝાપટા
હવામાન વિભાગની આગાહી પ્રમાણે અમદાવાદ અને ગાંધીનગરમાં વરસાદના ઝાપડાઓ રહેશે. જ્યારે દક્ષિણ અને ઉત્તર ગુજરાતમાં હળવાથી મધ્યમ વરસાદની આગાહી કરવામાં આવી છે. રાજ્યમાં અષાઢી બીજથી મેઘરાજા મહેરબાન થયા અને ફરી વખત તેમણે ધમાકેદાર એન્ટ્રી કરી છે. જેથી ખેડૂતો ખુશખુશાલ છે.
પાંચ દિવસ સુધી વરસાદ પડી શકશે
આગામી 18 જુલાઈ સુધી એટેલે કે પાંચ દિવસ સુધી ગુજરાતમાં ભારે વરસાદ પડી શકે છે. તેવું હવામાન વિભાગનું કહેવું છે. સૌરાષ્ટ્ર-કચ્છ તેમજ ઉત્તર અને મધ્ય ગુજરાતમાં વરસાદ પડશે. જેમા સોમનાથ તેમજ ભાવનગરમાં ભારે વરસાદ વડવાની આગાહી કરવામાં આવી છે.
15 અને 16 તારીખે આખા ગુજરાતમાં વરસાદ
અમરેલી, રાજકોટ અને સુરેન્દ્રનગરમાં પણ આગામી દિવસોમાં ભારે વરસાદ પડી શકે છે. હવામાન વિભાગની આગાહી અનુસાર 15 અને 16 તારીખે આખા ગુજરાતમાં વરસાદ રહેશે. પાટણ, મહેસાણા તેમજ સાબરકાંઠામાં પણ ભારે વરસાદની પડવાની સંભવના છે.
જગતના તાતમાં ખુશીનો માહોલ
ઉલ્લેખનીય છે કે વરસાદની આગાહીને લઈને જગતના તાતમાં ખુશીનો માહોલ જોવા મળી રહ્યો છે. હવામાન વિભાગની આગાહી અનુસાર સૌથી વધારે વરસાદ સૌરાષ્ટ્ર, કચ્છ અને ઉત્તર ગુજરાતમાં પડી શકે છે. જેથી ત્યાના લોકોને હવામાન વિભાગ દ્વારા પહેલાથી એલર્ટ કરી દેવામાં આવ્યા છે.