આગાહી / ગુજરાતમાં હવે પાંચ દિવસ કેવો રહેશે વરસાદ? જાણો હવામાન વિભાગે શું કરી આગાહી

• આગામી 5 દિવસ રાજ્યમાં વરસાદ રહેશે 
• 5 દિવસ પછી વરસાદનું જોર ઘટશે 
• છૂટા છાવાયા વિસ્તારોમાં પડશે વરસાદ 

રાજ્યમાં હાલ ચોમાસું બેસી ગયું છે અને ઠેર ઠેર મેઘરાજીએ ધમાકેદાર એન્ટ્રી કરી છે. ગરમીથી કંટાળેલા લોકો છેલ્લા કેટલાય સમયથી વરસાદની આતુરતાથી રાહ જોઈ રહ્યા હતા. પરંતુ હવે હવામાન વિભાગ દ્વારા આગાહી કરવામાં આવી છે કે થોડાક દિવસોમાં હવે વરસાદનું જોર ઘટવાનું છે.

અત્યાર સુધીમાં 78 મીમી વરસાદ પડ્યો 

ગુજરાતમાં આગામી 5 દિવસ વરસાદ સામાન્ય રહેશે. જેમા ખાસ કરીને છૂટા છવાયા વિસ્તારોમાં વરસાદ આવી શકે છે. અત્યાર સુધી રાજ્યમાં 76 મીમી વરસાદ નોંધાયો છે. હવામાન વિભાગ દ્વારા આ મામલે માછિમારોને પણ સૂચના આપી દેવામાં આવી છે. જેથી માછીમારો પણ સચેત થઈ ગયા છે. 

5 દિવસ સામાન્ય વરસાદ રહેશે 

હાલ અમદાવાદ, ગાંધીનગર અને વડોદરામાં સામાન્ય વરસાદ રહી શકે છે. ગરમીના કારણે છેલ્લા ઘણા સમયથી લોકો કંટાળી ગયા હતા. પરંતુ હાલ વરસાદ પડવાને કારણે લોકોએ હાશકારો અનુભવ્યો છે. ખાસ કરીને અમદાવાદ જેવા શહેરમાં પણ છેલ્લા 4 દિવસથી વાદળછાયું વાતાવરણ છે અને અહિયા છૂટો છવાયો વરસાદ પડી રહ્યો છે. 

છૂટા છવાયા વિસ્તારોમાં વરસાદ પડશે 

હવામાના વિભાગે જે આગાહી કરી છે તે આગાહી અનુસાર આગામી 5 દિવસ સુધી પણ અમદાવાદ, ગાંધીનગર તેમજ વડોદરા જેવા શહેરોમાં વરસાદ પડી શકે છે. જોકે આ વરસાદ છૂટા છવાયા વિસ્તારોમાં પડશે. 

જગતના તાતમાં ખુશીનો માહોલ 

બીજી તરફ વરસાદ પડવાને કારણે જગતનો તાત પણ ઘણો ખુશ છે. આ વખતે સમય કરતા થોડાક દિવસ વહેલા મેઘરાજાએ આગમન કર્યું છે. જેના કારણે ખેડૂતોમાં ખુશીનો માહોલ છવાયેલો છે. તેના પાછળનું કારણ એ છે કે આ વર્ષે તાઉ તે ના કારણે ખેડૂતોને પહેલાથી ઘણું નુકસાન વેઠવાનો વારો આવ્યો છે. જેથી તે વરસાદ પ્રત્યે ઘણી આશા રાખીને બેઠા છે.