તમે જો કોઇ સુપર માર્કેટમાં સામાન ખરીદવા માટે ગયા હોય અને તમારી પાસે પૈસા ન હોય તો કેવી કપરી સ્થિતિ ઉભી થાય. પરંતુ જરા વિચારો કે આ સમયે અચાનક તમારું બિલ વડાપ્રધાન ભરે તો શું આ વાત પર વિશ્વાસ આવશે...?
તમે જો કોઇ સુપર માર્કેટમાં સામાન ખરીદવા માટે ગયા હોય અને તમારી પાસે પૈસા ન હોય તો કેવી કપરી સ્થિતિ ઉભી થાય. પરંતુ જરા વિચારો કે આ સમયે અચાનક તમારું બિલ વડાપ્રધાન ભરે તો શું આ વાત પર વિશ્વાસ આવશે...? આવી એક ઘટના તાજેતરમાં ન્યૂઝીલેન્ડ ખાતે એક મહિલા સાથે બની હતી.
વાત જાણે એમ બની હતી કે, આ મહિલા ક્રાઇસ્ટ ચર્ચના એક સુપર માર્કેટમાં શોપિંગ કરવા માટે ગઇ હતી. તેણીની સાથે તેના 2 બાળકો પણ ખરીદી કરવા માટે સાથે ગયા હતા. આ મહિલાએ પોતાની જરૂરીયાતની તમામ ચીજ વસ્તુઓ લઇ લીધી અને બિલ બનાવવા માટે લાઇનમાં ઉભી રહી. જ્યારે બિલની ચૂકવણી કરવાનો વારો આવ્યો ત્યારે તેને યાદ આવ્યું કે, તે પર્સ લાવવાનું ભૂલી ગઇ છે.
આ મહિલાને હેરાન જોઇને લાઇનમાં ઉભેલા ન્યૂઝીલેન્ડના વડાપ્રધાન જેસિંડા આર્ડર્ને તેનું તમામ બિલ ભરી દીધુ. આ ઘટના બાદ સોશ્યલ મીડિયા પર દેશના પ્રધાનમંત્રીના ખુબ જ વખાણ થયા. આ મામલે વડાપ્રધાન જેસિંડા આર્ડર્ને કહ્યું કે, મેં આ મદદ એટલા માટે કરી કારણ કે, તેણી પણ એક માં છે.
ઉલ્લેખનીય છે કે, મહિલાની દોસ્ત હેલેન બર્નેસે આ ઘટનાને પોતાના ટ્વીટર પેજ પર શેર કરી અને તેણીએ લખ્યું કે, મારી દોસ્ત પોતાના 2 બાળકોને લઇને શોપિંગ કરવા માટે ગઇ હતી. પરંતુ તેનું પર્સ ઘરે ભૂલી ગઇ હતી. તો પાછળ ઉભેલ વડાપ્રધાન જેસિંડા આગળ આવ્યા અને તેણીએ ખરીદેલ વસ્તુના બિલની ચૂકવણી કરી.
આપને જણાવી દઇએ કે, ગત મહિને પણ પ્રધાનમંત્રી જેસિંડાની ચર્ચા દુનિયાભરમાં થઇ હતી. તેણી ક્રાઇસ્ટ ચર્ચની 2 મસ્જીદોમાં થયેલ હુમલા બાદ બુર્ખો પહેરીને પીડિતોના હાલચાલ પૂછવા માટે પહોંચી હતી.