NULL

દેશની મોટી બેંકોની જેમ જ સૌથી મોટી મોર્ગેજ લોન પ્રોવાઈડર HDFCએ પોતાના હોમ લોન રેટ્સમાં 0.45 ટકાનો ઘટાડો કર્યો છે. HDFCએ નિવેદનમાં કહ્યું કે હવે 75 લાખ રૂપિયા સુધીની હોમ લોન પર 8.7 ટકા વાર્ષિક વ્યાજ લાગશે. જ્યારે તેનાથી વધારેની લોન પર 8.75 ટકા વ્યાજ લાગશે. 

આ પહેલા સૌથી મોટી સરકારી બેંક એસબીઆઈએ સહિત અનેક બેંકોએ વ્યાજ દરમાં ઘટાડો કર્યો છે. મહિલાઓને 0.05 ટકાની છૂટ મળશે. હાલ સુધી HDFCનો બેન્ચમાર્ક લોન રેટ 9.1 ટકા હતો. નવો દર આજથી લાગુ થઈ ગયો છે. 

HDFCના મેનેજિંગ ડાયરેકટર રેણુ સૂદ કર્નાડે કહ્યું કે વિતેલા કેટલાક મહિના દરમિયાન એમસીએલઆરમાં ઘટાડો આવ્યો છે. તેને ધ્યાનમાં રાખીને HDFCએ તેનો લાભ ગ્રાહકોને આપવાનો નિર્ણય કર્યો છે.