NULL

પાકિસ્તાન આર્મી ચીફ રાહિલ શરીફે ભારતના પ્રધાનમંત્રી મોદી અને ગુપ્ત એજન્સીઓને સીધી ચેતવણી આપી છે. અને કહ્યું છે કે તેઓ પોતાના દુશ્મનોને ઓળખીએ છીએ. અને પાકિસ્તાન પોતાના દુશ્મનોના નાપાક ઇરાદાઓને જાણે છે. રાહિલ શરીફે ખાસ કરીને પીએમ મોદી અને ભારતની ગુપ્ત એજન્સી રોનું નામ લીધું અને તેના પછી કહ્યું કે પાકિસ્તાનની તમામ સીમાઓ સુરક્ષિત છે.

રાહિલે ગિલગિત-બાલ્ટિસ્તાનમાં ચીન પાકિસ્તાન ઇકોનોમિક કોરિડોરના આજસુધીની પ્રગતિની જાણકારી આપવા માટે આયોજિત એક કાર્યક્રમમાં કહ્યું છે. રાહિલ શરીફે કહ્યું કે મને વિશ્વાસ છે કે પાકિસ્તાન સાચી દિશામાં આગળ વધી રહ્યું છે. અને પાકિસ્તાન CPECસંપૂર્ણ સુરક્ષાનું આશ્વાસન આપે છે. 

તો સાથે જ ચીનની પ્રશંસા કરતા કહ્યું કે ચીન આ વિસ્તારના કલ્યાણ અને વિકાસ માટે કામ કરી રહ્યું છે. CPEC બની ગયા બાદ ગિલગિત બાલ્ટિસ્તાનનો પણ ચીનના શહેરોની જેમ વિકાસ થશે. તો સાથે જ કહ્યું કે સમગ્ર વિશ્વ શું કહે છે તેની તેમને કોઇ અસર થવાની નથી.