અમરેલીના ચલાલામાં કોમ્યુનિટી હોલે જીવ લીધો. 13 વર્ષ જુનો કોમ્યુનીટી હોલ સમારકામ દરમિયાન બેસી ગયો જેમાં હોલની છત નીચે પાંચ મજુરો દબાઈ ગયા. ચારનો બચાવ થયો પણ એક યુવતીનું ઘટના સ્થળે જ મોત થયુ છે.
ચલાળામાં 13 વર્ષ પહેલા નગરપાલિકાએ કોમ્યુનીટી હોલ બાંધ્યો હતો. ભ્રષ્ટાચારના નમુનારૂપ આ હોલનું બાંધકામ જેતે સમયે અધુરૂ છોડી દેવાયું હતું. આ કારણે હોલનું સમારકામ હાથ ધરાયુ. જોકે સમારકામ કરાવવાનો નિર્ણય જીવલેણ સાબિત થયો. હોલની છત સમારકામ વખતે જ બેસી ગઈ. જેમાં પાંચ મજુરો દબાયા હતા. સ્થાનિક લોકો અને પાલિકાએ બચાવ કામગીરી હાથ ધરી ચાર મજુરોને તો બચાવી લીધા. પણ એક અભાગી યુવતીનો જીવ ગયો.
પ્રાચીન ઇમારતો સદીઓથી કાળની થપાટો ખાઈને અડીખમ ઉભી છે. અને ભ્રષ્ટાચારથી વ્યાપ્ત વર્તમાન સમયની એ તાસીર છે કે એક દાયકા પહેલા બનાવેલો કોમ્યુનિટી હોલ પત્તાના મહેલની જેમ ઢળી પડે છે. લોકોનો જીવ લે છે.