લાલુની દીકરી મીસા ભારતીના CAની થઇ ધરપકડ બ્લેકમનીને વ્હાઈટ કરવાનો આરોપ

નવી દિલ્હીઃ EDએ લાલુ પ્રસાદ યાદવની પુત્રી મીસા ભારતીના ચાર્ટર્ડ એકાઉન્ટન્ટ (CA) રાજેશ અગ્રવાલની મંગળવારે ઘરપકડ કરી છે. રાજેશ પર લાલૂ પ્રસાદ યાદવની પુત્રી મીસા યાદવને રૂપિયા કમાવવામાં અને તેના કાળાનાણાંને સફેદ કરવાનો આરોપ લાગ્યો છે. જેથી અગ્રવાલને મની ટ્રેલ સ્કેમ મામલે ઘરપકડ કરવામાં આવી છે. ED તેને દિલ્હી કોર્ટ સામે રજૂ કરશે. કોર્ટમાં રજૂ થયા પછી ED રાજેશના રિમાન્ડ લેવા માટે પેરવી કરશે. ઉલ્લેખનીય છે કે આવકવેરા વિભાગ દ્વારા કાળાનાણા વિરૂદ્ધ ચાલુ કરેલી મૂહિમ અંતર્ગત બિહારના પૂર્વ મુખ્યમંત્રી લાલુ પ્રસાદ યાદવ સાથે જોડાયેલ 20થી વધારે ઠેકાણાઓ પર થોડા દિવસ પહેલાં જ દરોડા પાડ્યા હતા.

આ દરોડા લગભગ 1000 કરોડની બેનામી સંપત્તિ મામલે છે. મળતી મહિતી મુજબ રાજનેતા અને લાલુના નીકટ એવા પ્રેમ ચંદ ગુપ્તાના કેટલાક ઠેકાણાઓ પર પણ દરોડા પાડવામાં આવ્યા છે. ઉલ્લેખનીય છે કે અગાઉ EDએ દિલ્લીના મોટા વેપારી એસ કે જૈન અને વી કે જૈનને પણ આ મામલે ધરપકડ કરી હતી. આ દરોડા ત્યારે પાડવામાં આવ્યા હતા જ્યારે બિહારના પૂર્વ મુખ્યમંત્રી અને ભારતીય જનતા પાર્ટીના નેતા સુશીલ કુમાર મોદીએ લાલુ યાદવ અને તેમના પરિવાર પર જમીન ગોટાળામાંથી અલગ રહેવા અંગે નિવેદન આપ્યું હતું. રાજેશની ધરપકડને પણ તેમની સાથે જોડીને તપાસ કરવામાં આવી રહી છે. જો કે ED શેલ કંપનીઓ મારફતે રોકાણ કરનારાઓ ઉપર કડક નજર રાખી રહી છે.