ગાંધીનગર: પ્રધાનમંત્રીની બે દિવસીય ગુજરાત મુલાકાત દરમિયાન બીજા દિવસે મંગળવારે ગાંધીનગરમાં આફ્રિકન ડેવલોપમેન્ટ બેન્કની વાર્ષિક બેઠકના ઉદ્ઘાટન સમારંભમાં મોદીએ ભાગ લીધો હતો.
સમારંભમાં અનેક દેશના પ્રતિનીધિઓ હાજર રહ્યા હતા સાથે નાણામંત્રી અરૂણ જેટલી પણ ઉપસ્થિત રહ્યા હતા. આ સમારોહમાં સંબોધન કરતા પ્રધાનમંત્રી મોદીએ કહ્યું કે છેલ્લા ત્રણ વર્ષમાં અમે ઘણા ક્ષેત્રોમાં મોટી પ્રગતિ કરી છે. મોદીએ કહ્યું કે "આવતા વર્ષ સુધીમાં દેશના દરેક ગામડે વિજળી હશે." વધુમાં જણાવ્યું કે ભારત એ ભવિષ્યનું વિકાસ એન્જિન હશે અને જળવાયુની અનુરૂપ વિકાસનું ઉદાહરણ બનશે.