આફ્રિકન ડેવલપમેન્ટ બેંકની બેઠકમાં PM મોદીનું સંબોધન

ગાંધીનગર મહાત્મા મંદિર ખાતે આફ્રિકન ડેવલપમેન્ટ બેંકની 52મી સામાન્ય સભાનું 22થી 26 મે સુધી આયોજન કરાયું છે. જેના ભાગરૂપે પ્રધાનમંત્રી નરેદ્ર મોદીએ મહાત્મા મંદિરમાં આફ્રિકન બેંકનું ઉદઘાટન કર્યુ હતું. મોદીએ સામાન્ય સભાને સંબોધતાં જણાવ્યું હતું કે ગુજરાતીઓ પોતાના વેપાર અને આફ્રિકા પ્રત્યેના પ્રેમના કારણે ઓળખાય છે. મને ખુશી છે કે આજે આ કાર્યક્રમ ભારતમાં અને એ પણ ગુજરાતમાં યોજાઈ રહ્યો છે.ગુજરાતી નાવિકની મદદથી વાસ્કો ડી ગામા ભારત પહોંચ્યો હતો. મુંબાસા યુગાન્ડા રેલવે બાંધવામાં ગુજરાતીઓનો ફાળો રહ્યો છે. આફ્રિકા ભારતના સંબધો મજબૂત બનાવવામાં ગુજરાતીઓનો વિશેષ ફાળો છે. નેલ્સન મંડેલાએ કહ્યું હતું કે આફ્રિકા માટે દુનિયાના દરવાજા બંધ હતા ત્યારે ફત ભારત આફ્રિકા સાથે હતું.આફ્રિકા ભારતની આર્થિક અને વિદેશ નીતિમાં મહત્વનું સ્થાન ધરાવે છે. 54 આફ્રિકી દેશો સાથે ભારતના મજબૂત સંબંધો રહ્યા છે. પીએમ બન્યા પછી મેં 6 આફ્રિકી દેશોની મુલાકાત લીધી.રાષ્ટ્રપતિએ 3 અને ઉપરાષ્ટ્રપતિએ 7 આફ્રિકી દેશોની મુલાકાત લીધી છે. એક પણ દેશ એવો નહીં હોય જેની મુલાકાત મારા મંત્રીઓએ નહીં લીધી હોય.આફ્રિકા અને ભારતના શહેરો વચ્ચે વિકાસના સંબધો છે.બ્રિસ બેંકનું સ્થાનિક સેન્ટર આફ્રિકામાં બને તે માટે ભારતના પ્રયાસો છે. ભારત આફ્રિકા વચ્ચેનો વેપાર છેલ્લા 5 વર્ષમાં બમણો થયો છે. વેપાર વધીને 72 મિલિયન ડોલર પહોંચ્યો.  

બીજીબાજુ કેદ્રીય નાણાંમંત્રી અરુણ જેટલીએ સભાને સંબોધિત કરી હતી. તેમણે જણાવ્યું હતું કે કેન્દ્ર સરકારની યોજનાઓના કારણે ભારતનો વિકાસ દર 7.8 ટકા રહેશે. ભારતે 1983માં આફ્રિકન ડેવલપમેન્ટ બેંક સાથે જોડાણ કર્યું. તેમણે ભારત અને આફ્રિકાના સંબોધ વધુ મજબૂત બનાવવા પર ભાર મૂકયો હતો. તેમણે કહ્યું હતું કે આફ્રિકામાં કૃષિ ક્ષેત્રે અપાર તક રહેલી છે. વોટર મેનેજમેન્ટ ફૂડ પ્રોસેસિંગ અને પલ્સ પ્રોડકશનમાં વધુ તક છે. મેક ઇન ઇન્ડિયા એ આફ્રિકાને વધુ મજબૂત કરશે. આ સમિટ બે પ્રાચીન સંસ્કૃતિઓને જોડવાનું કામ કરશે.ઉદ્ઘાટન સત્ર બાદ પીએમ કરશે 7 આફ્રિકન દેશોના વડાઓ સાથે બેઠક કરવાના છે. ભારત સાથેના વેપાર અને રાજનીતિક સંબંધોને લઈને ચર્ચા થશે. આ બેઠકમાં મુખ્યમંત્રી વિજય રૂપાણી નાયબ મુખ્યમંત્રી નીતિન પટેલ પણ ઉપસ્થિત છે.આફ્રિકાના 40થી વધારે દેશના પ્રતિનિધિ ઉપસ્થિત છે. સાથે આફ્રિકન દેશોના રાષ્ટ્ર પ્રમુખો -ઉપપ્રમુખો હાજર છે.