વિમાન જેવી સુવિધાઓથી સજ્જ પ્રથમ લકઝરી ટ્રેન તેજન એકસપ્રેસ 22 મેથી મુંબઈ અને ગોવાની વચ્ચે દોડવા લાગશે. શુક્રવારે રેલવે પ્રધાન સુરેશ પ્રભુએ સફદરજંગ રેલવે સ્ટેશન પર ટ્રેનનું નિરીક્ષણ કર્યું. તેજસ ટ્રેનમાં દરેક સીટ પર એલસીડી ક્રીન અને વાઈ-ફાઈ સુવિધા હશે. સાથે જ ટ્રેનમાં ટી-કોફી વેન્ડિંગ મશીન પણ લગાવવામાં આવશે.
તો 20 ડબ્બા ધરાવતી તેજસ એકસપ્રેસમાં ઓટોમેટિક દરવાજા હશે. હાલના સમયે ઓટોમેટિક દરવાજા માત્ર મેટ્રોમાં જ છે. મુંબઈ ગોવા રૂટ પર શરૂ થયા બાદ આ ટ્રેન સેવા દિલ્હી ચંદીગઢ માર્ગ પર પણ શરૂ થઈ શકે છે. ટ્રેનના કોચ હાઈ ટેકનોલોજીવાળા એન્ટરટેઇનમેન્ટ યુનિટો વાઈફાઈ સુવિધા બ્રેલ ડિસપ્લે અને કોફી મશીન વગેરે જેવી સુવિધાથી સજ્જ કરવામાં આવ્યા છે. ટ્રેન એપ્રિલ બાદ શરૂ થયા તેવી શકયતા છે.
22 મેથી મુંબઈ-ગોવા વચ્ચે દોડશે પ્રથમ તેજસ એક્સપ્રેસ