ગાંધીનગર: મહાત્મા મંદિરમાં 22 થી 26 દરમ્યાન યોજાનાર આફ્રિકન ડેવલોપમેન્ટ બેન્ક ની એ.જી.એમ.ની તૈયારીઓ ચાલી રહી છે. 23મી તારીખએ વડાપ્રધાન નરેન્દ્ર મોદીએ હાજરી આપશે. વડાપ્રધાનની સુરક્ષા ને લઇને એસ.પી.જી.ના વડા ગાંધીનગર આવી ચુક્યા છે.
આજે સવારે ગુજરાત પોલીસ તેમજ વહીવટી અધિકારીઓ સાથે મહાત્મા મંદિરમાં બેઠક કરી હતી.વડાપ્રધાનની સલામતિને ધ્યાનમાં લઇ ગાંધીનગરમાં પાંચ એસ.આર.પી.કંપની 8 એસ.પી. 4 એસ.એસ.પી. 10 થી વધુ ડી.વાય.એસ.પી.સહિત પોલીસનો કુલ ચાર હજારથી વધુ કાફલો તૈનાત કરવામાં આવશે.મહાત્મા મંદિરમાં 81 આફ્રિકન દેશોના 3000થી વધુ પ્રતિનિધિઓ હાજરી આપવાના હોવાથી મહાત્મા મંદિરમાં લોખંડી સલામતી પુરી પાડવામા આવી રહી છે.