આજે મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે 'સેમિ ફાઈનલ'

આજે કોલકાતા નાઈટ રાઈડર્સ અને મુંબઈ ઈન્ડિયન્સ વચ્ચે બેંગાલુરુમાં બીજી કવોલિફાયર એટલે કે સેમિ ફાઇનલ મેચ રમાશે. રાત્રે 8.00 વાગ્યાથી શરૃ થનારી મેચમાં વિજેતા બનનારી ટીમ રવિવારને રમાનારી આઇપીએલની ફાઈનલમાં પૂણે સુપરજાયન્ટ્સનો સામનો કરવો પડશે.   

   

ઈન્ડિયન પ્રીમિયર લીગની દસમી સિઝનની ફર્સ્ટ કવોલિફાયર્સ એટલે કે પહેલી સેમિ ફાઈનલમાં પૂણે સુપરજાયન્ટ્સે મુંબઈ ઈન્ડિયન્સને 20 રનથી પરાજય આપ્યો હતો. જ્યારે ગઈકાલે મોડી રાત્રે પુરી થયેલી એલિમિનેટરમાં કોલકાતાએ ડકવર્થ લુઈસના નિયમની મદદથી હૈદરાબાદને સાત વિકેટથી પરાજય આપ્યો હતો 

આજે મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે 'સેમિ ફાઈનલ'

- આજે જીતનારી ટીમ ફાઈનલમાં પૂણે સામે ટકરાશે

બીજીબાજુ આઇપીએલની એલિમિનેટરમાં વરસાદના વિધ્ન બાદ આયોજકોના મેચ ગમે તે ભોગે પુરી કરવવાના વલણને પરિણામે કોલકાતા અને હૈદરાબાદ વચ્ચેની મેચ રાત્રે દોઢ વાગ્યે પુરી થઈ કોલકાતાએ ડક વર્થ લુઈસના નિયમને સહારે હૈદરાબાદને સાત વિકેટથી હરાવ્યું હતુ.  

હૈદરાબાદે 20 ઓવરમાં સાત વિકેટે 128 રન કર્યા તે પછી ભારે વરસાદ ત્રાટકયો હતો અને રાત્રે એક વાગવામાં પાંચ મિનિટ બાકી હતી ત્યારે બીજી ઈનિંગ શરૃ થઈ હતી. જેમાં જીતવા માટેના છ ઓવરમાં 48 રનના પડકારને કોલકાતાએ 5.2 ઓવરમાં ત્રણ વિકેટ ગુમાવીને પાર પાડયો હતો.