હૈદરાબાદે કોલકાતાને 129નો ટારગેટ આપ્યો વરસાદ આવતા મેચ સ્થગિત

બેંગાલુરૂ: જો વરસાદ સતત ચાલુ રહેશે તો સનરાઇઝર્સ હૈદરાબાદની ટીમ ફાયદામાં રહેશે. આજે રાત્રે મેચ નહી રમાય તો હૈદરાબાદને જીત મળી જશે. કારણ કે લીગમાં પોઇન્ટ ટેબલમાં સનરાઇઝર્સને 17 અંક હતા જ્યારે કોલકાતાને 16 અંક હતા. એલિમિનેટરમાં સનરાઇઝર્સ હૈદરાબાદની બેટિંગ શાંત રહી.

કોલકાતા નાઇટ રાઇડર્સની મજબુત બોલિંગની સામે હૈદરાબાદની ટીમ 20 ઓવરમાં 128/7 રન બનાવી શકી હતી. કોલકાતાના નાથન કુલ્ટર નાઇલે 4 ઓવરમાં 20 રન આપીને ત્રણ વિકેટ મેળવી હતી. તેના સિવાય ઉમેશ યાદવે 2 વિકેટ ઝડપી હતી. હૈદરાબાદ તરફથી ડેવિડ વોર્નર 37 રનના ટોપ સ્કોરર રહ્યા. હૈદરાબાદે ક્રમશ: પાંચ વિકેટ ગુમાવી હતી.