રાજ્યભરમાં કુલ 42 બેઠકો પર 11 જૂને પેટાચૂંટણી યોજાશે

રાજ્યની પેટાચૂંટણી અંગે ચૂંટણીપંચ દ્વારા જાહેરત કરવામાં આવી. રાજ્યની 8 નગરપાલિકાની 9 બેઠકો પર પેટાચૂંટણી યોજાશે. તો તાલુકા પંચાયતની 32 બેઠકો પર પેટાચૂંટણી જાહેર કરાઇ છે. અમદવાદની જિલ્લાની વાત કરીએ તો જિલ્લાની 1 બેઠક સામેલ કરાઇ છે. રાજ્યભરમાં કુલ 42 બેઠકો પર 11 જૂને પેટાચૂંટણી યોજાશે.

આ પેટાચૂંટણી માટે 22 મે ના રોજ જાહેરનામું  પ્રસિધ્ધ કરવામાં આવશે. 27 મે એ ઉમેદવારીપત્ર ભરવાની છેલ્લી તારીખ આપવામાં આવી છે અને 30મી મે સુધી ઉમેદવારી પત્ર પાછુ ખેંચી શકાશે. ત્યારબાદ 11મી જુને સવારે 11 થી સાંજે 5 વાગ્યા સુધી મતદાન પ્રક્રિયા હાથ ધરાશે અને 13 મી જુનના રોજ મતગણતરી કરવામાં આવશે.