આઇપીએલ 2017માં પ્લે ઓફની રેસમાંથી પહેલેથી જ બહાર થઇ ચૂકેલી દિલ્હી ડેરડેવિલ્સની ટીમ આજે પોતાના હોમ ગ્રાઉન્ડ ફિરોઝશાહ કોટલાના ગ્રાઉન્ડ પર રાઇઝિંગ પુણે સુપર જાયન્ટ્સ સામે વિજય મેળવી ટૂર્નામેન્ટમાં પોતાનું સન્માન બચાવવા પ્રયાસ કરશે. જો કે દિલ્હીના વિજયને કારણે પુણે માટે પ્લે ઓફમાં પ્રવેશવાની રાહ મુશ્કેલ થઇ શકે છે. રાઇઝિંગ પુણે સુપર જાયન્ટ્સ માટે આ મેચ ખૂબ મહત્ત્વની છે.
પુણેએ અત્યાર સુધી રમેલી 12 મેચમાં 16 પોઇન્ટ મેળવ્યા હોવાથી તેનો લક્ષ્ય આ મેચમાં વિજય મેળવી ટોચની બે ટીમોમાં સ્થાન મેળવવાનું છે. ત્યારે દિલ્હી માટે સૌથી સારી બાબત એ છે કે ટીમે ટૂર્નામેન્ટમાં બાકી રહેલી બંને મેચ હોમ ગ્રાઉન્ડમાં રમવાની છે.
બીજીબાજુ રોમાંચક મેચમાં કિંગ્સ ઇલેવન પંજાબનો વિજય મુંબઇને 7 રને હરાવ્યુ|IPL-10માં કિંગ્સ ઇલેવન પંજાબે મુંબઇ ઇન્ડિયન્સને 7 રને હરાવ્યું હતું. 231 રનના પડકારનો પીછો કરતા મુંબઇ ઇન્ડિયન્સ 20 ઓવરમાં 6 વિકેટે 223 રન જ બનાવી શકયુ હતું. મુંબઇ તરફથી કિરોન પોલાર્ડે આક્રમક 50 રનની ઇનિંગ રમી હતી. આ સાથે જ પંજાબે પ્લે ઓફમાં પહોચવાની આશા જીવંત રાખી છે.
આ જીત સાથે પંજાબના 13 મેચમાં 14 પોઇન્ટ થઇ ગયા છે. શુક્રવારે રમાનાર દિલ્હી ડેરડેવિલ્સ અને રાઇઝિંગ પૂણે સુપરજાયન્ટની મેચમાં પૂણે હારે અને પંજાબ તેની હવે પછીની મેચ જીતે તો પ્લે ઓફમાં પહોચી શકે છે. મહત્વપૂર્ણ છે કે પંજાબે IPL-10નો સૌથી મોટો સ્કોર બનાવ્યો હતો.