જાપાન અને ભારત વચ્ચેનો મુકાબલો ભારે રસાકસીભર્યો રહ્યો..યુવા ફોરવર્ડ ખેલાડી મનદીપ સિંઘની વિજયી ગોલ હેટ્રિકને સહારે ભારતે જાપાન સામેની મેચમાં 4-3થી રોમાંચક વિજય મેળવ્યો હતો. આ વિજયની સાથે ભારતે સુલતાન અઝલાન શાહ કપ હોકી ટુર્નામેન્ટની ફાઈનલમાં પ્રવેશવાની આશા જીવંત રાખી છે.
જાપાન સામેની મેચમાં આખરી બે મિનિટ બાકી હતી ત્યારે સ્કોર 3-3થી બરોબરી પર હતો. આ તબક્કે મનદીપ સિંઘે કલાસિક ફિલ્ડ ગોલ ફટકારીને ભારતને યાદગાર જીત અપાવી હતી. હવે શુક્રવારે ભારતનો મુકાબલો તેની આખરી ગ્રુપ મેચમાં યજમાન મલેશિયા સામે થશે. આ મેચ સાંજે છ વાગ્યાથી શરૂ થશે.