અમેરિકન રાષ્ટ્રપતિ ડોનાલ્ડ ટ્રમ્પે પેરિસ સમજૂતિ પર ભારત રશિયા અને ચીન જેવા મોટા દેશો પર નિશાન સાધ્યું છે. પેન્સિલવેનિયામાં એક સભાને સંબોધતા ટ્રમ્પે કહ્યું કે પેરિસ સમજૂતિ અંતર્ગત અમેરિકા અબજો ડોલર આપી રહ્યું છે જ્યારે રશિયા ચીન અને ભારત જેવા પ્રદૂષણ ફેલાવતા દેશો કશું જ આપી રહ્યાં નથી. ટ્રમ્પે કહ્યું કે આગામી બે સપ્તાહમાં તેઓ આ અંગે મોટો નિર્ણય લેશે.
તેમણે વૈશ્વિક પર્યાવરણને લઇને થયેલી આ કલાઇમેટ ડીલને એકતરફી જણાવી અને કહ્યું કે આ અંતર્ગત પૈસાની ચૂકવણી કરવા માટે અમેરિકાને ખોટી રીતે નિશાન બનાવવામાં આવી રહ્યું છે ઉલ્લેખનીય છે કે અમેરિકા જેવા વિકસિત દેશોએ વર્ષોથી પૃથ્વીના પર્યાવરણનું સત્યાનાશ વાળ્યું છે અને હવે ભારત જેવા વિકાસશીલ દેશોને પ્રદૂષણ કાબુમાં રાખવાની સૂફિયાણી સલાહ આપે છે.
ટ્રમ્પની આડોડાઇ
પ્રદૂષણ ભારત ચીન રશિયા ફેલાવે અને પૈસા અમેરિકા આપે?