H-1B વિઝા મુદ્દે USનો ખુલાસો ભારતીય રોકાણકારોના આભારી છીએ: માર્ક ટોનર

અમેરિકાએ H-1B મુદ્દા પર કહ્યું છે કે અમે ભારતીય કંપનીઓના રોકાણકારોની કદર કરીએ છીએ. તે સાથે જ અમે અમેરિકા અને ભારત વચ્ચે મજબૂત આર્થિક સંબંધો ઈચ્છીએ છીએ. થોડા દિવસ પહેલાં જ અરુણ જેટલીએ H-1B વિઝા વિશે તેમના અમેરિકી કાઉન્ટરપાર્ટ સ્ટીવન નૂચિન સાથે વાત કરી હતી.  

વિદેશ મંત્રાલયના સ્પોકસપર્સન માર્ક ટોનરે કહ્યું કે અમે ઈચ્છીએ છીએ કે ભારત-અમેરિકા વચ્ચે બિઝનેસ ક્ષેત્રે સંબંધો વધારે મજબૂત થાય.  ટોનરને H-1B વિઝાના રિવ્યૂ અને તેના કારણે ભારતીય કંપનીઓ પર થતી અસર વિશે સવાલ પૂછવામાં આવ્યો હતો.  ટોનરે જણાવ્યું હતું કે યુએસ ઈકોનોમીમાં રોકાણ કરવા માટે અમે ભારતીય કંપનીઓનો આભાર માનીએ છીએ. તેમના કારણે અમારા ત્યાં હજારો લોકોને નોકરી મળી શકે છે.