ગુજરાતના અનુભવી ઓલરાઉન્ડર ઇરફાન પઠાણના પ્રતિક્ષાના દિવસો પૂરા થયા છે. આખરે તેમને IPLની દસમી સિઝનમાં રમવાની તક મળી ગઇ છે.તો ગુજરાતની ટીમ તરફથી રમતા વેસ્ટ ઇન્ડીઝના ખેલાડી ડ્વાઇન બ્રેવો ઇજાગ્રસ્ત થતા બાકી રહેલી મેચો માટે ઇરફાનનો સમાવેશ કરવામાં આવ્યો છે.
ઇરફાને આ બાબતની જાણકારી તેમના ટ્વીટર અને ઇન્સ્ટાગ્રામ પેજ દ્વારા આપી હતી. ઉલ્લેખનીય છે કે બ્રેવો ગઇ મેચમાં હેમસ્ટ્રીંગની ઇજા બાદ ટુર્નામેન્ટની બહાર થઇ ગયા છે. ઇરફાન પઠાણ આ વર્ષે ફેબ્રુઆરીમાં થયેલા ઑકશનમાં 50 લાખની બેઝ પ્રાઇઝ પર અનસોલ્ડ રહ્યાં હતાં.