જિનપિંગે સેનાને આપ્યો આદેશ યુદ્ધ માટે તૈયાર રહે ચીની સેના

ચીનના રાષ્ટ્રપતિ શી જિનપિંગે દક્ષિણ ચીન સાગરમાં ચાલી રહેલા વિવાદને પગલે તેની સેનાને યુદ્ધ માટે તૈયાર રહેવાના આદેશ આપ્યા છે. ચીનમાં સત્તારુઢ કમ્યુનિસ્ટ પાર્ટીના મહાસચિવ અને કેદ્રીય સૈન્ય આયોગના ચેરમેને ચીનની પીપલ્સ લિબરેશન આર્મીના દક્ષિણ કમાનની મુલાકાત કરી હતી અને સ્થિતિનું નિરિક્ષણ કર્યું હતું. ત્યારબાદ તેમણે સેનાને વધુ મજબૂત કરવા પર ભાર મુકયો હતો. 

ઉલ્લેખનીય છે કે  રાષ્ટ્રપતિ તરીકે જિંનપિંગના 5 વર્ષનો કાર્યકાળ આ વર્ષે સમાપ્ત થઈ રહ્યો છે અને એવી આશા રાખવામાં આવે છે કે તેમને ફરીથી 5 વર્ષ માટે રાષ્ટ્રપતિ તરીકે ચૂંટવામાં આવશે. જિનપિંગે ચીનમાં એવી મજબૂત સેનાના નિર્માણ પર જોર આપ્યું છે જેમાં ભ્રષ્ટાચાર ના હોય. ત્યારે તેમના ફરીથી રાષ્ટ્રપતિ બનવાની સંભાવના પ્રબળ માનવામાં આવે છે.