માસ્ટર બ્લાસ્ટર સચીન તેંડુલકરનો આજે 44મો જન્મદિવસ

આજે ક્રિકેટના ભગવાન ગણાતા માસ્ટર બ્લાસ્ટરની ઉપલ્બધી મેળવનાર સમગ્ર વિશ્વમાં લોકોના હૃદય પર પોતાની વિનમ્રતા અને પર્ફોમન્સથી રાજ કરનાર અને ભારતના ગૌરવ એવા સચિન તેંડુલકરનો આજે 44મો જન્મદિવસ છે. ત્યારે વિશ્વભરમાંથી આજે સોશ્યલ મિડીયા દ્વારા સચિન તેંડુલકરને શુભેચ્છાઓનો વરસાદ વરસી રહ્યો છે ત્યારે નજર કરીએ ભારતના આ સર્વોચ્ચ બેટ્સમેન સચિનની જીવનની એક સફર પર.

 

પોતાની આક્રમક બેટિંગથી દુનિયાના દિલો-દિમાગ પર છવાઈ જવાવાળા સચિન તેંડુલકરનો આજે 44મો જન્મદિવસ છે. ક્રિકેટની દુનિયામાં ભગવાનની ઉપલ્બધિ મેળવનાર સચિન તેંડુલકરનો 24મી એપ્રિલ 1973ના રોજ મુંબઈમા થયો હતો. 

મરાઠી કવિ રમેશ તેંડુલકરના ઘરે જન્મ લેનાર સચિનને બાળપણથી જ ક્રિકેટ રમવાનો શોખ હતો. તેના આ જ શોખને લઈને તેમને દુનિયાભરમાં ક્યારેય ન ભુંસાય એવી ઓળખાણ દુનિયાભરમા પ્રાપ્ત થઈ. સચિને ભારત માટે પોતાનો પહેલો મેચ પાકિસ્તાન વિરુધ્ધ 15મી નવેમ્બર 1989ના રોજ રમી હતી. 

સચિન પોતાની પહેલી મેચમા કંઈ ખાસ કરી શક્યા ન હતા અને ટેસ્ટ મેચના પહેલા દાવમાં લગભગ 15 રન પર આઉટ થઈ ગયા હતા. જોકે બીજા દાવમાં સચિનને તક નહોતી મળી. જો કે સચિને 23 નવેમ્બર 1989ના રોજ ફૈંસલાબાદમાં રમાયેલ પોતાની બીજી ટેસ્ટ મેચમાં 59 રનની બેટિંગ કરી વિશ્વ ક્રિકેટને ભવિષ્યની ઝલક દેખાડી દીધી હતી. સચિનની આ બેટિંગ બાદ પાકિસ્તાનના કેપ્ટન ઈમરાન ખાન પણ સચિનના વખાણ કરતા પોતાને રોકી શક્યા નહતા. 

સચિન તેંડુલકરની ખાસીયતની જો વાત કરવામાં આવે તો સૌથી રસપ્રદ તેમની કારકીર્દી દરમ્યાન તેમનામાં રહેલી વિનમ્રતા. કેટકેટલાય રેકોર્ડ પોતાના નામે નોંધાતા ગયા પણ કોઈ પણ રીતે પોતાને પ્રાપ્ત થયેલી સફળતાને પોતાના માથે ચડવા ના દીધી જેને કારણે સચિન બીજા બધાં ક્રિકેટરો કરતા અલગ તરી આવે છે. ક્રિકેટમા એવી કેટલીય ક્ષણો આવી જેમા હરિફ ટીમના જાંબાઝ બોલરોએ સચિન સામે સ્લેજીંગ કરી તેને ડીસ્ટર્બ કરીને તેની વિકેટ ખોરવવાની કોશીશ કરી પણ સચિન ના તો ડિસ્ટર્બ થયા ના તો વિકેટ આપી. ઉપરથી એ જ બોલરોને પોતાની બેટીંગથી એવો જવાબ આપ્યો કે શેન વોર્ન જેવા અદ્ભુત બોલરો જેની સામે દુનિયાના કોઈ પણ બેટ્સમેન ટકી શકતા નહતા પણ જેમના સપનામા પણ સચિન આવતા અને પોતાની આગવી અદાથી શેનવોર્નને હંફાવતા હોવાનુ પુરી દુનિયા સમક્ષ કબુલ્યુ હતું.

 

આમ એક વાત તો ચોક્કસ છે સચિનને એમ નેમ જ ગોડ ઓફ ક્રિકેટ નથી કહેવાતા. તેમની નમ્રતા ક્રિકેટીંગ શોટર્સની આગવી અદા તથા દેશ માટે રમવાની તથા કંઈ કરી બતાવવાની ક્ષમતાના કારણે જ તેઓ ભારતનું ગૌરવ બની શક્યા છે. 

સચિન તેમની આ બેટિંગ બાદ પોતાના બેટથી રન બનાવતા ગયા અને જોતજોતામાં રનોનો એવોતો પહાડ ખડકી દીધો જેને પહોંચી વળવું લગભગ અસંભવ હતું. સચિન વિશ્વના એવા પહેલા ખેલાડી છે જેનું નામ  200 ટેસ્ટ મેચ રમવાનો રેકોર્ડ છે. સચિને 200 ટેસ્ટ મેચોના 329 દાવમાં 53.48ના રનરેટથી 15921 રન નોંધાયા જેમાં સૌથી સર્વશ્રેષ્ઠ 248 રન છે. ટેસ્ટમાં તેમના નામે 68 અર્ધશતક અને 51 શતક છે.