અફઘાનિસ્તાનના આર્મી કેમ્પ પર તાલિબાનના આતંકવાદીઓએ હુમલો કર્યો છે. આ હુમલામાં 50થી વધુ સૈનિકોના મોત થયાની આશંકા વ્યક્ત કરવામાં આવી રહી છે. મળતી માહિતી મુજબ તાલિબાન આતંકીઓએ ભાખ વિસ્તારમાં મસ્જિદ પાસે આવેલા આર્મી કેમ્પને ટાર્ગેટ બનાવ્યો હતો.
સેનાની વર્દીમાં આવેલા આતંકીઓ કેમ્પમાં ઘુસી આવ્યા હતા. અને અંધાધૂંધ ફાયરિંગ કરી દીધું હતું. અફઘાનિસ્તાનના આર્મી કમાન્ડોના કહેવા મુજબ 6 આતંકવાદી સેનાની વર્દી પહેરીને આવી ગયા હતા. અને તે લોકો 2 વાહનોમાં સવાર હતા. આ હુમલાની જવાબદારી તાલિબાને લીધી છે. જો કે આ હુમલામાં આતંકવાદીઓ પણ ઠાર થયા હોવાની ખબર છે.