ચીનની ભારતને ધમકી દલાઇ લામાને કારણે ચૂકવવી પડશે ભારે કિંમત

ચીની સરકારી મીડિયાએ ભારતને ચેતવણી આપતા જણાવ્યું હતુ કે જો ભારત દલાઇ લામા કાર્ડ રમવાનું ચાલુ રાખશે તો તેની ભારે કિંમત ચૂકાવવી પડશે. આ સાથે અખબારે ચીન દ્ધારા અરુણાચલપ્રદેશના છ સ્થળોના નામ રાખવા પર ભારતની પ્રતિક્રિયાને બકવાસ ગણાવી ફગાવી દીધી હતી. 

સરકારી ગ્લોબલ ટાઇમ્સમાં લખાયેલા એક લેખમાં કહેવામાં આવ્યુ છે કે ભારતે એ વાત પર ગંભીરતાથી વિચારવું જોઇએ કે ચીને શા માટે આ વખતે દક્ષિણ તિબ્બતના સ્થળોના સતાવાર નામની જાહેરાત કરી છે. તેમાં લખવામાં આવ્યું છે કે દલાઇ લામા કાર્ડ રમવું ભારત માટે કયારેય ફળદાયી રહ્યું નથી. જો ભારત આ ખેલ ચાલુ રાખશે તો ભારતે તેની ભારે કિંમત ચૂકાવવી પડશે.