IPL-10: ગુજરાત લાયન્સે કોલકાતા નાઈટ રાઈડર્સને 4 વિકેટથી હરાવીને શાનદાર જીત મેળવી છે. 188 રનના લક્ષ્યની પીછો કરતા લાયન્સે 18.2 ઓવરમાં 6 વિકેટ ગુમાવી જીત મેળવી લીધી હતી. ગુજરાત લાયન્સના ખેલાડી સુરેશ રૈનાએ 46 બોલમાં 84 રનની ઇનિંગ રમી શાનદાર બેટિંગ કરી હતી. જે બદલ રૈનાને મેન ઓફ ધ મેચ જાહેર કરવામાં આવ્યો હતો. જ્યારે બોલરમાં કોલકતા નાઇટ રાઇડર્સના નાથન કુલ્ટર નાઇલ અને કુલદીપ યાદવે 2-2 વિકેટ ઝડપી હતી.
આમ કોલકાતાની ધરતી પર કોલકાતાની જ ટીમને કારમી હાર ગુજરાત લાયન્સે આપી હતી અને શાનદાર જીત મેળવી છે. આગળની મેચ સનરાઇઝર્સ હૈદરાબાદ અને રાઇઝિંગ વચ્ચે સાંજે 4:00 કલાકથી પ્રથમ મેચ રમાશે અને બીજી મેચ મુંબઇમાં રાત્રે 8:00 કલાકે દિલ્હી ડેરડેવિલ્સ અને મુંબઇ ઇન્ડિયન્સ વચ્ચે રમાશે.