હાફિઝ સઇદની મુશ્કેલીમાં હવે વધારો થઇ શકે છે. કારણ કે હાફિઝ સઇદની રક્ષા કરી રહેલા પાકિસ્તાને જ હવે માની લીધું છે કે હાફિઝ સઇદ એક આતંકી છે અને તેની આતંકી ગતિવિધિઓ સાથે લિંક છે.
હાફિઝ આતંકી છે
હાફિઝ આતંકી ગતિવિધિઓ સાથે જોડાયેલો
પાકિસ્તાન ગૃહમંત્રાલયે સ્વીકાર્યું
હાફિઝની આતંકી ગતિવિધિઓ સાથે લિંક
પાકિસ્તાનના ગૃહમંત્રાલયે લાહોર હાઈકોર્ટમાં સોગંદનામું રજુ કરીને સ્વીકાર્યું છે કે હાફિઝ સઈદ આતંકી ગતિવિધિઓ સાથે જોડાયેલો છે. વાત જાણે એમ છે કે જમાત ઉદ દાવાના પ્રમુખ હાફિઝ સઈદે કોર્ટમાં એમ કહીને અરજી દાખલ કરી હતી કે અનેક મહિનાઓથી ગેરકાયદેસર રીતે તેની અટકાયત થઈ છે. અરજીના જવાબમાં પાકિસ્તાન ગૃહમંત્રાલયે સ્વીકાર્યું કે હાફિઝની આતંકી ગતિવિધિઓ સાથે લિંક છે.
હાફિઝ પર પાકમાં અશાંતિ ફેલાવવાનો આરોપ
પોતાના પત્રમાં ગૃહમંત્રાલયે કહ્યું કે સઈદની એન્ટી ટેરેરિઝમ એકટ હેઠળ અટકાયત થઈ છે. હાફિઝ પર પાકિસ્તાનમાં પણ અશાંતિ ફેલાવવાનો આરોપ છે. મંત્રાલયે એ પણ સ્વીકાર્યું છે કે જમાત ઉદ દાવા આતંકી ગતિવિધિઓમાં સામેલ રહ્યું છે તે બાબત પર ભરોસો કરવાના તેમની પાસે કારણ પણ છે.
5 નેતાઓની એન્ટી ટેરેરિઝમ એકટ હેઠળ ધરપકડ
આ પત્રને પાકિસ્તાનના સ્વીકારનામા તરીકે જોવામાં આવી રહ્યો છે. જેમાં પાકિસ્તાન હાફિઝ આતંકી હોવાની વાત સ્વીકારી રહ્યું છે. સરકારે પાકિસ્તાનમાં થયેલા વિસ્ફોટો બાદ 30 જાન્યુઆરીએ સઈદ સહિત જેયુડી અને એફઆઈએફના પાંચ નેતાઓને એન્ટી ટેરેરિઝમ એકટ હેઠળ ધરપકડ કરી હતી. સઈદ પર અમેરિકાએ આતંકી ગતિવિધિઓમાં સામેલ હોવાના કારણે 10 મિલિયન ડોલર રૂપિયાનું ઈનામ પણ રાખેલુ છે.