TIME મેગેઝીનના 100 સૌથી પ્રભાવશાળી લોકોમાં ફરી PM મોદીને મળ્યું સ્થાન

ટાઇમ મેગેઝીનના 100 સૌથી પ્રભાવશાળી લોકોમાં એકવાર ફરી પ્રધાનમંત્રી મોદીને સ્થાન મળ્યું છે. જો કે આ વખતે આ લિસ્ટમાં મોદી સાથે માત્ર એક જ ભારતીયને સ્થાન મળ્યું છે.  

પ્રધાનમંત્રી નરેન્દ્ર મોદી અને પેટીએમના સ્થાપક વિજય શંકર શર્માને ટાઇમ મેગેઝીનમાં દુનિયાની 100 સૌથી પ્રભાવશાળી લોકોની લિસ્ટમાં જગ્યા મળી છે. આ લિસ્ટમાં માત્ર બે ભારતીયો જ સામેલ છે. ટાઇમ મેગેઝીને અમેરિકી રાષ્ટ્રપતિ ડોનાલ્ડ ટ્રમ્પ રશિયાના રાષ્ટ્રપતિ વ્લાદિમીર પુતીન અને બ્રિટિશ પ્રધાનમંત્રી ટેરેજાને પણ પોતાની લિસ્ટમાં જગ્યા આપી છે.

આ લિસ્ટમાં દુનિયાભરના કલાકારો નેતાઓ અને પ્રમુખ હસ્તીઓને જગ્યા મળી છે. જેમને તેમના ઇનોવેશન તેમની મહત્વાકાંક્ષા સમસ્યાઓનો ઉકેલ લાવવાની તેમની પ્રતિભાને લઇને સન્માનિત કર્યા છે. મેગેઝીનમાં લેખક પંકજ મિશ્રાએ મોદીની પ્રોફાઇલમાં તેમની પ્રશંસા કરતા લખ્યું છે કે ડોનાલ્ડ ટ્રમ્પના અમેરિકાના રાષ્ટ્રપતિ બનવા પહેલાની કલ્પના પહેલાથી પણ મે 2014માં મોદી દુનિયાના સૌથી મોટા લોકતંત્રના પ્રધાનમંત્રી બની ગયા. 

પેટીએમના સ્થાપક વિજય શંકર શર્માને પણ આ લિસ્ટમાં સામેલ કરાયા છે. ભારત સરકારે નોટબંધીનો નિર્ણય લીધો અને તે સમયે શર્માએ પરિસ્થિતિનો ફાયદો ઉઠાવ્યો. શર્માની ડિજીટલ પેમેન્ટ સ્ટાર્ટઅપ પેટીએમએ દરરોજ ખરીદાતી સામગ્રી અને સેવાઓ માટે પેટીએમનો ઉપયોગ કરવા માટે આકર્ષિત કર્યા.

વર્ષ 2016માં ટાઇમના 100 સૌથી પ્રભાવશાળી લોકોની લિસ્ટમાં જગ્યા બનાવનારા ભારતીયોમાં RBI ગવર્નર રઘુરામ રાજન ટેનિસ ખેલાડી સાનિયા મિર્ઝા પ્રિયંકા ચોપરા ગૂગલના સીઇઓ સુંદર પિચાઇ અને ફ્લિપકાર્ટના બિન્ની બંસલ અને સચિન બંસલ સામેલ હતા. આ વર્ષે લિસ્ટમાં અમેરિકાના નવા રાષ્ટ્રપતિ તેમની દીકરી ઇવાંકા ટ્રમ્પ અને તેના પતિ જૈરેડ કુશનર પોપ ફ્રાંસિસ ચીની રાષ્ટ્રપતિ શી જિનપિંગ અને ઉત્તર કોરિયાના નેતા કિમ જોન ઉન પણ સામેલ છે.