Jioથી હવે 3 રૂપિયા પ્રતિ મિનિટમાં થશે ઇન્ટરનેશનલ કોલ

Jioથી તમે હવે 3 રૂપિયા પ્રતિ મિનિટમાં ઇન્ટરનેશનલ કોલ કરી શકશો. રિલાયન્સ જિઓએ બધુ જ ફ્રી કર્યા બાદ હવે ઇન્ટરનેશનલ કોલિંગ એટલે કે ISDને લઈને વોર ચાલું કર્યું છે. જિઓની નવી રેટ કટર ઓફર અંતર્ગત ગ્રાહકોએ અમેરિકા અને યૂકે (યુનાઈટેડ કિંગડમ)માં કોલિંગ માટે માત્ર 3 રૂપિયા પ્રતિ મિનિટ પ્રમાણે ચાર્જ ચૂકવવાનો રહેશે. 

જિઓની વેબસાઈટ પર ઉપલબ્ધ જાણકારી અનુસાર ગ્રાહકોને રેટ કટર પ્લાન અંતર્ગત આ ISD ઓફર મળશે. તેના માટે 501 રૂપિયાનું પેમેન્ટ કરવાનું રહેશે. સાથે જ કંપનીની વેબસાઈટ પર દેશના કોલની સાથે સાથે પ્રતિ મિનિટ ચાર્જીસનો પણ ઉલ્લેખ કરવામાં આવ્યો છે. તો  રિલાયન્સ જિઓના આ નિર્ણય બાદ અન્ય ટેલીકોમ કંપની ભારતી એરટેલ આઈડિયા અને વોડાફોન પર પણ રેટ ઘટાડાવનું દબાણ વધશે.