લંડનમાં વિજય માલ્યાની ધરપકડ બાદ ગણતરીના કલાકમાં જ જામીન

લંડન: લંડનમાં વિજય માલ્યાની ધરપકડ કરાઇ હતી. ધરપકડ કર્યાનાં ગણતરીનાં કલાકમાં જ વિજય માલ્યાને જામીન મળી ગયા છે. વિજય માલ્યાને વેસ્ટમિંસ્ટર કોર્ટમાં રજૂ કરવામાં આવ્યો હતો જ્યાંથી તેને જામીન મળી ગયા. ભારત સરકારે વિજય માલ્યાને ભાગેડું જાહેર કરી દીધો છે. માલ્યા ઉપર ભારતીય બેંકો પાસેથી 9 હજાર કરોડ કરતાં વધારે રૂપિયા ન ચૂકવવાનો આરોપ છે.

આ પહેલા સ્કોટલેન્ડ યાર્ડ પોલીસે કહ્યું હતું કે માલ્યાને ભારતના અધિકારીઓના કહેવા પર ધરપકડ કરી હતી. માલ્યાને ભારત-બ્રિટનની વચ્ચે થયેલી સંધિ હેઠળ ધરપકડ કરવામાં આવી હતી. જામીન બાદ માલ્યાએ ટ્વિટ કરીને કહ્યું કે ભારતની મીડિયાએ વધારીને રજૂ કર્યું.