અમેરિકા પોતાની સૈન્ય ક્ષમતા વધારશે સાથી દેશોના રક્ષણ માટે US સજ્જ: ટ્રમ્પ

અમેરિકાના પ્રમુખ ડોનાલ્ડ ટ્રમ્પે જાપાનના પ્રધાનમંત્રી શિન્ઝો એબીને કહ્યું હતું કે  ઉ.કોરિયાના વારંવારના પરમાણું પરિક્ષણની ધમકી સામે વોશિંગ્ટન પોતાની સૈન્ય ક્ષમતા વધારો કરવાનું ચાલુ જ રાખશે. યોંગયાંગે જાપાનના દરિયામાં એક બેલાસ્ટિક મિસાઇલ છોડયાના એક દિવસ પછી જ પૂર્વ એશિયા ક્ષેત્રમાં સ્થિતિની ચર્ચા કરવા ટ્રમ્પે એબી સાથે ટેલિફોન પર વાત કરી હતી.  

પ્રમુખે ભારપૂર્વક કહ્યું હતું કે ઉત્તર કોરિયા દ્વારા ઉભા કરાયેલા જોખમને જોતાં અમેરિકા એના સાથી દેશો જાપાન અને દક્ષિણ કોરિયા સાથે જ ઉભો છે' એમ બન્ને નેતાઓ વચ્ચેની ટેલીફોનિક વાતચીતને વાંચી સંભળાવવામાં આવી હતી. તેમની વચ્ચેની વાતચીતમાં ટ્રમ્પે સ્પષ્ટ કર્યું હતું કે અમેરિકા પોતાની ક્ષમતામાં વધારો કરવા અને પોતાની તેમજ સાથી દેશોની સુરક્ષા કરવા એની સૈન્ય ક્ષમતામાં વધારો કરવાનું ચાલુ જ રખશે.