અમેરિકાના પ્રમુખ બન્યા બાદ પહેલી વખત આતંકી સંગઠન ISએ ડોનાલ્ડ ટ્રમ્પ વિશે નિવેદન કર્યું છે. ISએ ટ્રમ્પને સ્ટયૂપીડ ઇડિયટ પણ કહ્યા હતા. ISના આશરે 36 મિનિટના એક વીડિયોમાં ડોનાલ્ડ ટ્રમ્પ વિશે પોતાની ભડાસ કાઢી છે. આ વીડિયોમાં ડોનાલ્ડ ટ્રમ્પને ISએ સ્ટયુપીડ અને ઇડિયટ કહ્યા છે.
જેમાં તેણે અરેબિક ભાષામાં ઇડિયટ શબ્દનો પ્રયોગ ટ્રમ્પને લઇને કર્યો હતો. સાથે દાવો કર્યો હતો કે ટ્રમ્પ ઇસ્લામ વિશે કંઇ જ નથી જાણતા તેઓ ઇડિયટ છે. સાથે અમેરિકાના નાગરીકોને પણ ટોણો મારતા કહ્યું હતું કે હવે તમારો શાસક એક સ્ટૂપિડ અને મુર્ખ વ્યક્તિ છે.
ડોનાલ્ડ ટ્રમ્પે થોડા દિવસ પહેલા કહ્યું હતું કે આઇએસનો ખાતમો બોલાવવામાં આવશે. અમેરિકાએ સીરિયા અને ઇરાકમાં આતંકીઓ પરના હુમલાને પણ તેજ કરી દીધા છે. આવી સ્થિતિમાં છંછેડાયેલા ISએ વીડિયો જારી કરીને અમેરિકાના પ્રમુખ ટ્રમ્પની હાસી ઉડાવી હતી.