છોટાઉદેપુરઃ શિહોર ગામમાં છકડા સાથે બાઈક અથડાતાં બે બાઇકસવારમાં એકનું થયું

ગુનેગાર પોતાનો એક ગુનો છુપાવવા અનેક ગુના આચરતો હોવાનો કિસ્સો પ્રકાશમાં આવ્યો છે. છોટાઉદેપુર જિલ્લાના શિહોર ગામમાં જ્યાં બે બાઈક સવાર લગ્નમાં ગયા બાદ ઘરે પરત ન ફરતા પોલીસ ફરિયાદ કરવામાં આવી હતી. જે દરમિયાન પોલીસને 2 માર્ચના રોજ થયેલા અકસ્માતની માહિતી મળી. અકસ્માતની તપાસ કરતી પોલીસની ટીમે તડબૂચનો ધંધો કરતા કમલેશ વાઘરીની ઉલટ રીતે તપાસ કરતા સમગ્ર હત્યાનો કેસ ઉકેલાયો હતો.

કમલેશ વાઘરીના છકડા સાથે બાઈક અથડાતા દિલિપ રાઠવાનું ઘટના સ્થળે મોત થઈ ગયું હતું અને રાહુલ રાઠવા બેભાન થઈ ગયો હતો. જેમાં પોતાનો ગુનો છુપાવવા કમલેશ વાઘરીએ દિલિપ રાઠવાની લાશને જમીનમાં દાટી દેવાનું તરકટ રચ્યું હતું. જે દરમિયાન બેભાન થઈ ગયેલ રાહુલ ભાનમાં આવતા કમલેશ વાઘરીને એવું થયું કે તેની કરતૂતની જાણ રાહુલ પોલીસને કરી દેશે જેથી કમલેશે રાહુલ રાઠવાના મોં પર પાઈપ મારીને મોતને ઘાટ ઉતારી દીધો હતો. હાલ પોલીસે આરોપી કમલેશ વાઘરીની ધરપકડ કરી છે અને તેના પર કાયદેસરની કાર્યવાહી હાથ ધરવામાં આવી છે. 

સમગ્ર ઘટનાની તપાસ કરતી પોલીસની ટીમને સૌ પ્રથમ ગુમ થયેલ બંને ભાઈઓનું બાઈક મળી આવ્યું હતું. બાઈક મળ્યાનાં છ કલાક બાદ ખેતરના કૂવામાં લાશ મળી આવી હોવાની પોલીસને જાણકારી મળી હતી. ત્યારે પોલીસ માટે અન્ય ભાઈને શોધવો એક ચેલેન્જ બની ગઈ હતી. જે દરમિયાન પોલીસની ટીમને 2 માર્ચના રોજ થયેલા અકસ્માતની જાણ થઈ.