પંચમહાલના હાલોલ સબજેલનો ફરાર થઈ ગયેલો આરોપી પકડાઈ ગયો છે.. પોલીસે ગણતરીના કલાકોમાં જ ઝડપી પાડયો છે.. જાકીર શેખ નામનો આરોપી ગઈકાલે કેદીઓનું જમવાનું ચાલુ હતુ તે દરમિયાન પોલીસની નજર ચૂકવીને ફરાર થઈ ગયો હતો. જેને શોધવા માટે પોલીસને સમગ્ર જિલ્લામાં નાકાબંધી કરી હતી.
પોલીસ પેટ્રોલિંગ કરી રહી હતી તે દરમિયાન જાકીર વડોદરાના વારસિયા ગામેથી આરોપીને ઝડપી પાડયો છે. મહત્વનું છે કે આરોપી આટલો સરળતાથી જેલમાંથી કેવી રીતે ભાગી શકે તેને લઈને પોલીસ સામે સવાલ ઉભા થયા હતા. તેથી આરોપીને જેમ બને તેમ જલ્દી પકડવો પોલીસ માટે નાકનો સવાલ હતો. જોકે પોલીસે ગણતરીના કલાકોમાં જ આરોપીને ઝડપી પાડયો છે.