કાર રેસર અશ્વિન સુંદર અને તેની પત્નીનું કાર અકસ્માતમા મોત થઇ ગયુ છે. અશ્વિનની BMW કાર એક ઝાડ સાથે ટકરાઇ હતી જે બાદ તેમાં આગ લાગી હતી. અશ્વિન અને તેની પત્ની નિવેદિતાનું કારની અંદર આગમાં બળીને મોત થયુ હતું. ઘટના સમયે અશ્વિન સુંદર કાર ચલાવી રહ્યો હતો. જેવી જ તેની કાર ઝાડ સાથે અથડાઇ તેમાં આગ લાગી ગઇ હતી. પોલીસ અનુસાર બન્ને ચેન્નાઇમાં કારની અંદર મૃત મળ્યા હતા. ઘટના દરમિયાન કારના દરવાજા તે ખોલી શક્યો નહતો અને બન્નેના મોત થઇ ગયા હતા. આ કપલ અન્નામલાઇ પુરમના એમઆરસી નગરમાં વર્તમાન પોતાના મિત્રના ઘરે ગયા હતા. ત્યાંથી પોતાના ઘરે પરત ફરતા હતા તે દરમિયાન આ ઘટના બની હતી.