અમદાવાદઃ મેડિકલની પીજી સીટમાં એડમિશન આપવાના કૌભાંડની વિગતો RTIમાં આવી બહાર

RTI પરથી એવી ભાળ મળી છે કે ગુજરાતનાં મેડિકલ કોલેજોએ 100થી વધારે એવા વિદ્યાર્થીઓને ડિગ્રી આપી છે જે પરિક્ષામાં નાપાસ થયા હતા. આ અંગે મુખ્યમંત્રી અને વડાપ્રધાન કાર્યાલયને પણ એક ફરિયાદ મોકલવામાં આવી છે.

અમદાવાદ મેડિકલની પીજી સીટમાં એટમિશન આપવાના કૌભાંડની વિગત બહાર આવી છે. BJ અને NHL મેડિકલ કોલેજમાં પ્રવેશ પરીક્ષા વગર એડમિશન આપ્યા હોવાનું કૌભાંડ બહાર આવ્યુ છે. ગુજરાત યુનિવર્સિટી સંબંધીત પીજી કોલેજોમાં દાખલ થવા માટે જાન્યુઆરી 2015માં એન્ટ્રેસ ટેસ્ટ આયોજીત થઇ હતી. BJ મેડિકલ કોલેજ અને NHL મેડિકલ કોલેજની 300 સીટો માટે 900 વિદ્યાર્થીઓએ પરીક્ષા આપી હતી. આ પરીક્ષામાં માત્ર 200 વિદ્યાર્થીઓ પાસ થયા હતા. માટે 100 સીટો ખાલી રહી હતી. RTIમાં ખુલાસો થયો કે સ્વાસ્થય વિભાગનાં કોક્ટર્સ અને અધિકારીઓએ પોતાનાં પરિચિતનાં બાળકોને એડમીશન આપી દીધા હતા.

આ મામલે MCIના નિયમો નેવે મુકીને એડમિશન અપાયાની ફરિયાદ નોંધાઇ છે. તો આ મામલે ગુજરાત યુનિવર્સિટીની BJ મેડિકલ સમિતિએ સ્પષ્ટતા કરી છે કે MCI અને યુનિવર્સિટીમાં નિયમ મુજબ જ ખાલી જગ્યા પર પ્રવેશ અપાય છે. તે ઉપરાંત પરીક્ષામાં નાપાસ થયેલા વિદ્યાર્થીઓને મેરિટના આધારે પ્રવેશ અપાય છે.