ગુજરાતની આંતરરાષ્ટ્રીય ટેનિસ ખેલાડી ઝીલ દેસાઈએ ગ્વાલિયરમાં યોજાયેલી 15 હજાર ડોલરની ITF ટુર્નામેન્ટમાં વિમેન્સ સિંગલ્સ ટાઈટલ જીતી લીધું છે. આઠમો સીડ ધરાવતી ઝીલે ફાઈનલમાં 6-3 7-5થી ભારતની જ મહેક જૈનને પરાજય આપ્યો હતો.
તાજેતરમાં ઓસ્ટ્રેલિયન ઓપન ગર્લ્સ સિંગલ્સમાં કવાર્ટર ફાઈનલ સુધીની સફર ખેડનારી અમદાવાદની ઝીલ દેસાઈનું આ આઇટીએફમાં સૌપ્રથમ વિમેન્સ સિંગલ્સ ટાઈટલ છે. તેને આ જીતની સાથે 12 ITF પોઈન્ટ્સ મળ્યા હતા.