રાંધણ ગેસ અમૂલ દૂધ બાદ હવે વાહન લાઇસન્સની ફીમાં બમણાંથી લઇને 16 ગણા સુધીનો વધારો ઝીંકાયો છે. રાજ્યની તમામ RTOમાં ડ્રાઇવિંગ લાઇસન્સ માટે નવા ફીના ધોરણો અમલી બનશે. હાલમાં ડ્રાઇવિંગ લાઇસન્સ માટે રૂ. 250 ફી લેવામાં આવે છે તેના બદલે હવે નવા ફી માળખા મુજબ રૂ. 400 ફી વસૂલવામાં આવશે. તેવી જ રીતે કાચા લાઇસન્સથી લઈને લાઇસન્સમાં ફેરફાર સહિતની તમામ ફીમાં જંગી વધારો ઝીંકી દેવામાં આવ્યો છે.
ડ્રાઇવિંગ લાઇસન્સ રિન્યૂઅલની ફીમાં પણ તોતિંગ વધારો કરવામાં આવ્યો હોવાનું બહાર આવ્યું છે. અગાઉ પણ રાજ્યની તમામ RTOમાં ડ્રાઇવિંગ લાઇસન્સ સિવાયની તમામ ફીમાં જંગી વધારો કરાયા બાદ હવે ડ્રાઇવિંગ લાઇસન્સ સહિતની ફીમાં વધારો કરી દેવામાં આવ્યો હોવાનું બહાર આવ્યું છે.