વલસાડમાં બુટલેગરો ફરી એક વખત બેફામ બન્યા છે. જીહા પોલીસ દારૂની ગાડી અટકાવવાતાં વાપીના પોલીસકર્મીઓ પર જીવલેણ હુમલો થયો છે. બુટલેગરે હુમલો કરતાં બે પોલીસકર્મી અને હોમગાર્ડ ઘાયલ થતાં તાત્કાલિક ધોરણે હોસ્પિટલ ખસેડવામાં આવ્યા છે.
ઉલ્લેખનીય છે કે બાતમીના આધારે વાપીના નામધાથી પોલીસની એક ટીમ દારૂની ખેપ મારી રહેલ બુટલેગરોનો પીછો કરી રહી હતી. બુટલેગરોએ ગાડીમાં પીછો કરી રહેલ પોલીસકર્મીઓની ગાડી રોકીને જીવલેણ હુમલો કર્યો હતો.
જીવલેણ હથિયારથી હુમલો કરી પોલીસકર્મીઓને ઢોર માર મારીને ફરાર થઇ ગયા હતા. ઘટનાની જાણ થતા જિલા પોલીસવડા સહિતના ઉચ્ચ અધિકારીઓ ઘટના સ્થળે પહોચી ગયા હતા. વાપી ટાઉન પોલીસ સ્ટેશનમા ફરિયાદ દાખલ કરવામા આવી છે. અત્યારે જિલ્લાની પોલીસ ફરાર બુટલેગરોને દબોચવા દોડતી થઇ છે.