રાજકોટમાં એસટી બસ અને દુધ ટેન્કર વચ્ચે અકસ્માત વડોદરામાં બસ અને બાઈક વચ્ચે

રાજકોટમાં એસ.ટી બસ અને દૂધના વાહન સાથે અકસ્માત થયો છે. આ ઘટનામાં 6 લોકોને ઇજા પહોંચી છે. જયારે દૂધના વાહને પલટી મારતા મિલ્કવાનમાં રહેલું દૂધ રસ્તા પર ઢોળાઇ ગયું હતું. આ ઘટના શહેરના KKV હોલ પાસે બની છે.  

જ્યારે વડોદરામાં ખાનગી બસ અને બાઇક વચ્ચે અકસ્માત સર્જાયો છે. આ અકસ્માત થતાં 2 વ્યકિત ઇજાગ્રસ્ત થયા છે. ઇજાગ્રસ્તોને તાત્કાલિક ધોરણે 108 મારફતે હોસ્પિટલ ખસેડવામાં આવ્યા હતા. આ બનાવ રાજમહેલ રોડ પર કુંજ પ્લાઝા પાસે બન્યો હતો. સમગ્ર મામલે પોલીસે તપાસ હાથ ધરી છે..