રાજકોટમાં રેસકોર્સ રિંગ રોડને ફ્રી વાઈ ફાઈ ઝોન જાહેર કરવામાં આવ્યો છે મુખ્યમંત્રી વિજયભાઈ રૂપાણી દ્વારા ગઈકાલે અચાનક જ જાહેરાત કરવામાં આવી હતી કે રેસકોર્સ રિંગ રોડ પર આવતા રાજકોટવાસીઓ ફ્રી ઇન્ટરનેટનો ઉપયોગ કરી શકે તે માટે ફ્રી વાઈ ફાઈ ઝોન જાહેર કરવામાં આવે છે જેને લઇ રાજકોટના યુવાનો સહીત શહેરીજનોમાં ખુશીનો માહોલ જોવા મળી રહ્યો છે.
રાજકોટમાં ગઈકાલે મેરેથોનના પ્રારંભે જ મુખ્યમંત્રી વિજયભાઈ રૂપાણીએ રેસકોર્સ રિંગ રોડને ફ્રી વાઈ ફાઈ ઝોન જાહેર કર્યો હતો છેલ્લા 2 વર્ષથી રાજકોટ મહાનગપાલિકા રેસકોર્સ રિંગ રોડને ફ્રી વાઈ ફાઈ ઝોન બનાવવા માટે પ્રક્રિયા ચાલતી હતી ત્યારે આ પ્રક્રિયા પૂર્ણ થતા રાજકોટવાસીઓ માટે રેસકોર્સ રિંગ રોડ ફ્રી વાઈ ફાઈ બન્યો છે
કઈ રીતે શરૂ થશે વાઈ ફાઈ
રેસકોર્સ રિંગ રોડ પર પહોંચતાની સાથે જ વાઈ ફાઈ કનેક્ટ કરતા આરએમસી વાઈ ફાઈ નો ઓપ્સન આવશે જેમાં સિલેક્ટ કર્યા બાદ ન્યુ યુઝર પર ક્લિક કરવાનું રહેશે ત્યારબાદ મોબાઈલ નંબર ઈ મેઈલ આઈડી અને નામની ડિટેઇલ ટાઈપ કર્યા બાદ પિન નંબરનો મેસેજ આવશે અને ત્યારબાદ પિન નંબર ટાઈપ કરતાની સાથે જ આપ ફ્રી વાઈ ફાઈ નો લાભ ઉઠાવી શકશો હાલ રેસકોર્સ રિંગ રોડને ફ્રી વાઈ ફાઈ ઝોન જાહેર કરવામાં આવતા રાજકોટના યુવાનોમાં ખુશી જોવા મળી રહી છે
રેસકોર્સ રિંગ રોડ પરના ફ્રી વાઈ ફાઈ માટે રેસકોર્સ રિંગ રોડ ફરતે 20 થાંભલા ઉભા કરવામાં આવ્યા છે જેમાં ડિવાઇસ રાખવામાં આવી છે જે ડિવાઇસ મારફત ફ્રી વાઈ ફાઈ શરૂ કરાયું છે વાઈ ફાઈ 4 એમબીપીએસની સ્પીડ મળશે અને દરરોજનું એક વ્યક્તિ 300 એમબી ફ્રી ઇન્ટરનેટ યુઝ કરી શકશે આ સુવિધાને લીધે રંગીલા રાજકોટવાસીઓની સાથે યુવાનોને પણ ખુબ જ લાભ થશે.
શાળા - કોલેજમાં ભણતા યુવાનોને ઇન્ટરનેટ ની સૌથી વધુ જરૂર અભ્યાસ માટે રહેતી હોય છે એટલે કે જે વિદ્યાર્થીઓ પાસે એન્ડ્રોઇડ ફોન છે પરંતુ તેમની પાસે ઇન્ટરનેટ નથી તેવા યુવાનો રેસકોર્સ રિંગ રોડ પર આવી ફ્રી વાઈ ફાઈનો ઉપયોગ કરી અભ્યાસ કે અન્ય કોઈ મહત્વની માહિતી ઈન્ટરનેટના માધ્યમથી મેળવી શકે.
રાજકોટ
શહેરીજનો માટે સારા સમાચાર
રેસકોર્સ રિંગરોડ થયો ફ્રિ વાયફાય ઝોન
મુખ્યમંત્રી દ્વારા કરાઇ હતી જાહેરાત
છેલ્લા 2 વર્ષથી વાયફાય ઝોન માટે ચાલતી હતી પ્રક્રિયા