ભારતની સૌથી મોટી અને નંબર વન મેરેથોન બનવાનું ગૌરવ પ્રાપ્ત કરનાર રાજકોટ ફૂલ મેરેથોન એથ્લેટિકસ વર્લ્ડમાં એક નવો ઇતિહાસ સર્જ્યો. ગુજરાત રાજયના મુખ્યમંત્રી વિજયભાઈ રૂપાણી મેરેથોનને સવારે 5 વાગ્યે ફલેગઓફ કરાવ્યું છે. મેરેથોન પ્રસ્થાન થતા જ આ આંતરરાષ્ટ્રીય ઇવેન્ટ એક નવા સીમાચિહ્ન પ્રાપ્ત કર્યું છે. રાજકોટમાં 63 594 સ્પર્ધકોએ રજીસ્ટ્રેશન કર્યુ છે.
રાજકોટવાસીઓએ ગત હાફ મેરેથોનની જેમ જ વહેલી સવારે 4.00 વાગ્યાથી જ રેસકોર્સ મેદાન અને મેરેથોનના વિવિધ કેટેગરીના છ રૂટ પર ઉમટી પડયા છે. રાજકોટ મહાનગરપાલિકા અને રાજકોટ શહેર પોલીસના સેંકડો અધિકારીઓ અને કર્મચારીઓ સ્પોન્સરો પાર્ટનરો અન્ય સહયોગી સંસ્થાઓ શાળાઓ-કોલેજો વિવિધ મંડળોના હોદેદારો અને સભ્યો તેમજ અસંખ્ય સ્વયંસેવકો રાજકોટ ફુલ્લ મેરેથોનને અદભૂત સફળતા અપાવવા અથાક જહેમત ઉઠાવી હતી. મેરેથોનમાં ભાગ લેવા માટે કેન્યા અને ઇથિયોપિયાના 51 સ્પર્ધકો આવ્યા છે.
રાજકોટમાં 2017 રેકોર્ડ બ્રેક મેરેથોનનું આયોજન કરવામાં આવ્યું હતું. આ મેરેથોન દોડમાં સિનિયર સિટીજન યુવાનો અને મહિલાઓએ મળી કુલ 63 હજારથી વધારે લોકોએ ભાગ લીધો હતો. મેરેથોડ દોડનું ઓપનિંગ મુખ્યમંત્રી શ્રી વિજય રૂપાણી દ્રારા કરવામાં આવ્યું હતું.
તો વડોદરામાં પણ મેરેથોન દોડ -2017નો પ્રારંભ થયો છે. અહીં પૂર્વ ક્રિકેટર નયન મોંગિયાએ મેરેથોન દોડનો પ્રારંભ કરાવ્યો છે. તો વડોદરામાં મુખ્યમંત્રી વિજય રૂપાણી પહોંચ્યા છે. અહીં તેઓ ઇનામ વિતરણ કરશે.. વડોદરામાં 41 કિ.મીની સૌથી લાંબી મેરેથોન દોડનુ આયોજન કરવામાં આવ્યું છે. જયારે 21 કી.મી હાફ મેરેથોન દોડને પણ ફ્લેગ ઓફ આપવામાં આવ્યો છે. વડોદરામાં કુલ 63 394 લોકોએ ભાગ લીધો છે.