હ્યુંડાઈ માર્ચ સુધીમાં લોન્ચ કરશે i30 કાર જાણો શું હશે કિંમત અને ખાસિયત

કોરીયાની કાર કંપની હ્યુંડાઈ પોતાની નવી કાર i30 આ વર્ષે લોન્ચ કરી શકે છે. કંપનીનો દાવો છે કે તે આ નવી કારમાં અનેક નવા ફિચર્સ લોન્ચ કરવાની છે. કંપની દ્વારા આ કારના બંને વેરિયન્ટ્સની કિંમત લગભગ 10 લાખ રૂ.થી લઈને 16 લાખ રૂ. હશે. ભારતમાં આ કાર માર્ચ 2017 પહેલાં લોન્ચ કરવાનું પ્લાનિંગ છે.

કંપનીનો દાવો છે કે પેટ્રોલ વેરિયન્ટ 17 kmplનું માઇલેજ આપશે. જ્યારે ડિઝલ વેરિયન્ટ 22 kmplનું માઇલેજ આપશે. હ્યુંડાઇ i30માં બીજા અનેક નવા ફિચર્સ પણ હશે. આ કાર લગભગ 11 નવા કલર્સમાં આવશે. એમાં ટચ સ્ક્રીન નેવિગેશન અને ક્લાઇમેટ કંટ્રોલ જેવા અનેક ફિચર્સ હશે. આ કારમાં નોર્મલ તેમજ સ્પોર્ટ્સ ડ્રાઇવિંગ મોડ જેવા ફિચર પણ  હશે.

i30 પેટ્રોલ અને ડિઝલ બંને વેરિયન્ટમાં મળશે. 1.4 પેટ્રોલ એન્જિન કારને 118 bhpની તાકાત અને 157 Nmનો ટોર્ક આપશે. આ રીતે ડિઝલ એન્જિન પણ 134 bhpનો પાવર જનરેટ કરશે. આ બંને વેરિયન્ટ્સમાં 6 સ્પીડનો મેન્યુઅલ ટ્રાન્સમિશન હશે. આવનારા સમયમાં બંને વેરિયન્ટમાં ઓટોમેટીક ટ્રાન્સમિશન પણ હશે.