સુઝુકીએ લોન્ચ કર્યું SWIFTનું નવું એડિશન ટૂંક સમયમાં ભારતીય રોડ પર દોડશે નવી SWIF

સુઝુકીએ જાપાનમાં સ્વિફ્ટ કારના નવા વર્ઝનને લોન્ચ કર્યું છે. આ કારનું વેચાણ 4 જાન્યુઆરી 2017થી શરૂ થશે. નવી સ્વિફ્ટને ભારત સહિત અન્ય દેશોમાં પણ લોન્ચ કરવામાં આવશે. કંપનીએ જાહેરાત કરી છે કે આંતરરાષ્ટ્રીય બજારોમાં નવી સ્વિફ્ટને માર્ચ 2017માં થનારા જિનિવા મોટર શોમાં રજૂ કરવામાં આવશે. 

જાપાનમાં લોન્ચ થયેલી નવી સ્વિફ્ટ હિયરટેક્ટ પ્લેટફોર્મ પર બની છે. આ કાર પહેલાના મોડલથી વધારે મજબૂત અને વજનમાં હલકી છે. આ પહેલાના વર્ઝનમાં 1.2 લિટર ડ્યૂલજેટ પેટ્રોલ એન્જિન હતું જ્યારે બીજા વર્ઝનમાં 1.0 લિટર બૂસ્ટરજેટ ડાયરેક્ટ-ઈજેક્ટ ટર્બોચાર્જ્ડ પેટ્રોલ એન્જિન લાગેલું છે. આ એન્જિન 6-સ્પીડ ઓટોમેટિક ટ્રાન્સમિશન સાથે જોડાયેલું છે. આ કારના માઈલેજ વધારવા માટે સ્માર્ટ હાઈબ્રિડ વ્હિકલ ટેકનોલોજીનો ઉપયોગ થયો છે. 

કારમાં સુરક્ષા માટે દરેક મોડલમાં સેફ્ટી ફિચર આપવામાં આવેલા છે. સુઝુકીએ પહેલીવાર ડ્યૂઅલ સેન્સર બ્રેક સપોર્ટ સિસ્ટમનો ઉપયોગ કર્યો છે. આ ટેકનોલોજી મોનોકૂલર કેમેરા લેઝર સેન્સર અને હાઈ બીમ અસિસ્ટથી સંચાલિત છે. આ ટેકનોલોજીના કારણે જ્યારે કોઈ કાર સામેથી આવે છે ત્યારે લાઈટનો પ્રકાશ આપમેળે નીચે જતો રહે છે. નવી સ્વિફ્ટમાં એડોપ્ટિવ ક્રૂઝ કંટ્રોલ સિસ્ટમ પણ લાગેલી છે. જે અન્ય વાહનોથી નિશ્ચિત અંતર બનાવી રાખે છે. 

ભારતમાં પણ પહેલાની સ્વિફ્ટની જેમ નવા મોડલમાં 1.2 લીટરનું કે-સિરિઝ પેટ્રોલ અને 1.3 લીટરનું ડીડીઆઈએસ ડીઝલ એન્જિન મળી શકે છે. તેમના ટોર્ક પાવર અને માઈલેજમાં ફેરફાર થઈ શકે છે.