નોટબંધી પછી નોટોથી ભરેલા ખોખા ચાર્ટર્ડ વિમાનોમાં સ્વિટઝર્લેન્ડથી ભારત લાવવામાં આવી રહ્યા છે. આ કાળુ નાણુ નથી પરંતુ જે નવી નોટ છાપવાની છે તેના પર વોટર માર્ક લગાવાયેલી નોટો છે.
આરબીઆઈ દ્વારા બોઈંગ 777 દ્વારા મંગાવવામાં આવી રહેલા 16 કાર્ગો પ્લેન કોલકાતા પહોંચી ગયા છે. હજુ વધુ વિમાનો દ્વારા કુલ 50 હજાર ટન નોટનો લક્ષ્યાંક છે. અત્યાર સુધીમાં 18 ચાર્ટડ પ્લેન આવી નોટો લઈને ભારત આવી ગયા છે જેમા 280 બોકસમાં નોટ આવી છે.
નાણા મંત્રાલયના સુત્રોના જણાવ્યા મુજબ આ બેંક નોટ એક સ્વિસ વેપારીએ બનાવ્યા છે. આ સ્વિસ વેપારી પેઢી નોટોની સામગ્રી પાસપોર્ટ અને વીઝા ફોર્મ વિગેરે છાપે છે.
આ અગાઉ આવી વોટર માર્કવાળી નોટો કાર્ગો જહાજમાં દરીયાઈ માર્ગે ભારત લાવવામાં આવતી પરંતુ નોટબંધી પછી મોટી માત્રામાં નવી નોટો છપાઈ કામ શરૂ કરાયેલ હોય ચાર્ટડ પ્લેન દ્વારા યુદ્ધના ધોરણે આ સામગ્રી મંગાવવામાં આવી રહી છે. જે સપ્ટેમ્બર માસથી શરૂ થઈ ગઈ છે અને અત્યાર સુધીમાં ૧૮ જેટલા વિમાનો કોલકતા વિમાન મથકે આવી ગયા છે.