ઇંગ્લેન્ડે ચોથી ટેસ્ટના ચોથા દિવસે 6 વિકેટે 182 રન બનાવ્યા

ભારતની સાનદાર જીત થઈ છે. ભારતે ઈંગ્લેન્ડ સામેની ચોથી ટેસ્ટ મેચમાં એક ઈનિંગ અને 36 રનથી શાનદાર જીત મેળવી છે. આ સાથે જ ભારત 5 ટેસ્ટ મેચની સિરીઝમાં 3-0થી આગળ આવતા સિરીઝ પર કબ્જો જમાવી લીધો છે. 

ઇંગ્લેન્ડે ચોથી ટેસ્ટના ચોથા દિવસે ભારત વિરૂદ્ધ બીજી ઇનિંગમાં 6 વિકેટે 182 રન બનાવી લીધા છે. ઇંગ્લેન્ડ વિરૂદ્ધ ચોથી ટેસ્ટના ચોથા દિવસે  ભારતે પ્રથમ ઇનિંગમાં 631 રનમાં ઓલ આઉટ થઇ ગઈ હતી.  ભારતને 231 રનની લીડ મળી છે. વિરાટ કોહલી 235 રને આઉટ થયો હતો. આ પહેલા ઇંગ્લેન્ડની આખી ટીમ પ્રથમ ઇનિંગમાં 400 રનમાં ઓલ આઉટ થઇ ગઇ હતી. જયંત યાદવે પોતાની ટેસ્ટ કરિયરની પહેલી સદી ફટકારતા 104 રન બનાવ્યા હતા.

ભારત તરફથી જાડેજા તથા અશ્વિનને બે-બે વિકેટ તથા જયંત અને ભુવનેશ્વરને 1-1 વિકેટ મળી હતી. આ પહેલા મુરલી વિજયે પોતાની સદી પુરી કરી હતી. વિજયે ટેસ્ટ કારકિર્દીની આઠમી સદી ફટકારી હતી. મુરલી વિજયે 136 રનની ઈનિંગ રમી આઉટ થયો હતો. ત્યારબાદ કરૂણ નાયર 13 રને આઉટ થયો હતો.  પાર્થિવ પટેલ 15 અને રવિચંદ્રન અશ્વિન 0 રને આઉટ થયો હતો. જાડેજા 25 રને આઉટ થયો હતો.

ભારત માટે ચોથી ટેસ્ટનો ચોથો દિવસ ખૂબ જ મહત્વપૂર્ણ રહ્યો હતો. આવતીકાલનો દિવસ નિર્ણાયક રહેશે ચોથી ટેસ્ટ લગભગ ભારતની પકડમાં છે.